PRIMER LIBRO DE CR%D3NICAS 17:6 - Wuj Pa K'ubultzij

⁶ Che ronojel ni'pa junab' chi xinb'in chkixol, lik nti xintz'onoj chke kinimaqil chi xeinya pa aj-atzil puwi intinimit Israel, chi kkiyak taq jun wachoch re che' chakalte'.

PRIMER LIBRO DE CR%D3NICAS 17:6 Referans Kwoze

2 Samuel 7:7

Ronojel junab' chi xinb'in chkixol ike, lik nti xintz'onoj chke i kinimaqil, chi xeinya pa atzil puwi intinimit Israel re kki'an i atb'al tzij, chi kkiyak taq jun wachoch ru' che' chakalte'.”

Apocalipsis 2:1

Chatz'ib'aj i tziji che i ángel chi ajk'amol utzam i jutzob'aj re i Dios chila pa tinimit Éfeso; chab'ij iri chke: are utzij i Jun chi rok'am i wuqub' ch'umil pu'ab' wiqab'im, chi xaq kb'in chkixol i wuqub' tzuk'b'al re an-o'oj.

2 Corintios 6:16

Xaq i rachoch i Dios, nti re chke i tiox chi xaril je antalik. Man yix ix rachoch chik i Dios k'aslik. Qeta'am ile, man keje iri kub'ij utzij i Dios chi tz'ib'tal kanoq: “Yin kinjeqi ni ku'; kinb'in ni chkixol; (Kin-an pacha je wachoch chke). Ke'eloq chi Yin in Dios chke ike, xaq ike je intinimit Yin.”

Hechos 13:20

Ronojel ile xuch'ij lajuj kawinaq jumo' (450) junab'. Chrijil ile, xuya jub'an ajk'amol utzam chke, k'a che taq i ij re ma Samuel chi profeta.

Mateo 2:6

Yet tinimit Belén, at ukwenta i jyub' Judá, mach'ob'o moq nti a'ij chkixol i nimaq taq tinimit re ulew le; lik o ni a'ij, man chkixol awak'al kalax ni jun nim laj ajk'amb'eyal; are ire kok'aw ni utzam chke inwinaq, aj Israel.

Miqueas 5:4

I ajawinel kwalij na, re kuchajij utinimit ru' ucho'ab' xaq ru' lo'laj u'ijol re i Ajwal chi u-Dios, keje ile ike kek'iji ni pa chomb'al ib', man i Ajwal lik nim ni u'ij k'a pa taq k'isb'al rokraq re uwach i jyub' ta'aj.

Ezequiel 34:2

Yet, winaq, chatlapan pinb'i chkij i ajyu'ul chij re i tinimit Israel, chab'ij chke: Iri are kub'ij i Ajwal: ¡Lik to' kiwach i ajyu'ul chij re i tinimit Israel, chi xa are ike kkichajij kib'! Are i o uchak chi kkichajij i ajyu'ul, are i jutzob'aj chij.

JEREMÍAS 23:4

Kinkoj ni ajyu'ul ke chi kechajiwik, man keje ile lik nti o kkixij kib' che, xaq kramtaj ti jun chke ike. Yin in Ajwal, xinb'iw ile.”

PRIMER LIBRO DE CR%D3NICAS 11:2

tupu ma Saúl, qajawinel te'eq, xwiri yet lik xawok'aj utzam i tinimit che ronojel i jalajuj taq ch'oj, yet xeak'am b'ik xaq yet xeak'am loq. Xwi ta la ile, xaq i Ajwal ub'im chawe chi yet kawok'aj ni utzam xaq kat-ajawin ni pkiwi aj Israel chi utinimit.”

1 Samuel 12:11

Rumali i Ajwal xutaq b'i ma Jerobaal, ma Barac, ma Jefté xaq yin, chi in ma Samuel, chiwelsaxik yix pki'ab' i ajch'oj chiwij, rumali yix lik utz xixk'iji'ik.

Deuteronomio 23:14

Man Iwajwal Dios lik o chixol yix, chila che i k'ijib'al re kixuto xaq re uya'ik i ch'akanik pkiwi i ajch'oj chiwij, rumali i lo'laj ik'ijib'al yix le rajwaxik chi lik ch'am, man keje ile i Dios kuriq ti jun b'iroxik chi utz taj chila, man we olik, kujek' rib' uri iwu'.

PRIMER LIBRO DE CR%D3NICAS 17:7

Rumali, chab'ij che ma David, chi wajpatan, chi Yin in Ajwal Dios chi xaq ronojel kintiki che, kinb'ij iri: Yin xatwesaj li chkiyu'uxik i chij xaq xinya ti chik chawe chi katterej chkij, man xatinya pa aj-atzil chke intinimit Israel.

1 Reyes 8:16

“Lik che i ij are xewesaj li intinimit Israel pa Egipto, mijun tinimit chke i jalajuj taq kitzob'ajil aj Israel xin-ulu re kin-an jun wachoch chila re kojb'al u'ij i lo'laj inb'i. Xwiri xin-ul ma David man are ire k-ataw tzij puwi intinimit Israel.”