PRIMER LIBRO DE CR%D3NICAS 16:42 - Wuj Pa K'ubultzij

⁴² Ike le kkixut'ij i trompeta, kkiyin chilchil xaq i jub'an chik ojom chi kkikojo are kkib'ixaj u'ij i Dios. I rak'al ma Jedutún chkiqul ike o wi uchajixik uchija.

PRIMER LIBRO DE CR%D3NICAS 16:42 Referans Kwoze

Salmos 84:10

¡Mas utz tupu xa jun ij kink'iji chwa taq ja re awachoch, chwach i lajujwinaq kamo' (1,000) ij chi kink'iji ti pawachoch! Yin lik are kwaj uchajixik uxol uchija re i rachoch in-Dios, chwach kinjeqi pa taq k'ijib'al i pa je o wi itzel laj taq winaq.

SEGUNDO LIBRO DE CR%D3NICAS 7:6

I ajsujul sipon je tak'al pkik'ijib'al xaq i aj Leví, ke'ojman ru' i ojom chi xu'an i ajawinel mam David kojb'al u'ij i Dios ru' i b'ix chi keje iri kub'ij: “I nim laj k'axnab'al uk'ux i Dios k-e ij saq chrij,” are chi mam David kb'ixan ku', I ajsujul sipon kkixut'ij i trompeta chkiwach aj Leví xaq konojel i aj Israel je tak'alik.

PRIMER LIBRO DE CR%D3NICAS 25:3

I je waqib' rak'al ma Jedutún je are iri: Ma Gedalías, ma Zeri, ma Jesaías, ma Simei, ma Hasabías, xaq ma Matatías, i ok'awnaq utzam chke ike le are ma Jedutún chi kiqajaw, chi are kb'iw utzij i Dios chke i winaq wach kk'ulmax k-on panoq ru' usonil i arpa tioxb'al re xaq kojb'al u'ij i Dios.

SEGUNDO LIBRO DE CR%D3NICAS 5:13

Are uri konojel xkimol kib' chuxut'ixik i trompeta xaq xe'ok chi b'ix ru' jun chi uqulil kojb'al u'ij i Dios xaq tioxb'al re che. Xaq kkichilcha i chilchil xaq jub'an chik ojom; ru' i b'ix chi kkib'ixaj kkib'ij i tziji: “Chib'ixaj i Ajwal man ire lik utz uk'ux, man i k'axnab'al uk'ux k-e ij saq chrij.” Che i or le i rachoch i Dios xnoj che jub'an sutz'.

PRIMER LIBRO DE CR%D3NICAS 15:17

Are uri i aj Leví xki'ul ma Hemán, chi uk'ojol ma Joel, chkixol i kachalal xki'ul ma Asaf, chi uk'ojol ma Berequías; chkixol umuq uxikin ma Merari chi xaq kachalal xki'ul ma Etán, chi uk'ojol ma Cusaías;