PRIMER LIBRO DE CR%D3NICAS 14:2 - Wuj Pa K'ubultzij

² Are uri ma David xuk'am usuk' chi are i Ajwal x-uluw che i k'ijib'al chi o wi le, chi ajawinel pa tinimit Israel, man u'anom che chi kel chisaq ru' rajawinik puwi utinimit Israel.

PRIMER LIBRO DE CR%D3NICAS 14:2 Referans Kwoze

NÚMEROS 24:7

Aj Israel lik o ni kiya' re kkitu'u xaq re ja'b'al kitikon. I kajawinel lik kuch'ak ni ma ajawinel Agag man i ucho'ab' lik knimar na.

Daniel 2:30

Xaq keje chwe yin yatal uk'utik i etamam ti uwachi, xwiri rumal ti we o taq mas inno'oj chkiwach konojel i winaq, re kinb'ij ni usuk' chawe yet, Nim laj Winaq, wach kraj ub'ixkil awachik', man keje ile yet, Nim laj Winaq lik kach'ob' ni ub'e wach taq i ach'ob'om pajolom.

Ester 4:14

We to' kaya kan keje ile wo'or, we nti kab'ij, i tol ke aj Israel kk'un ni uri che jun chik tinimit, xwiri yet xaq i ralk'uwal aqajaw kekam na. Qeta'am teneri moqxa yet o pa'ab' chi kojato wo'or che i k'ax chi oj o wi ri man yet at ati ajawinel.

SEGUNDO LIBRO DE CR%D3NICAS 2:11

Are uri ma Hiram chi ajawinel re i tinimit Tiro xutaq li jun wuj che ma Salomón chi kub'ij iri: I Ajwal xatuya pa ajawinel pkiwi aj Israel man k'ax kuna utinimit.

1 Reyes 10:9

¡Lik nim u'ij i lo'laj Ajwal Dios, man xuya rutzil uk'ux xaq xuya pa'ab' chi ka'at ni tzij puwi utinimit Israel! Rumal nim laj k'axnab'al uk'ux i Dios che utinimit Israel, u'anom chawe chi at ajawinel, man utz u'anik i atb'al tzij ka'ano.”

2 Samuel 7:16

Awalk'uwal xaq i awajawinik, lik nti kkik'ulmaj, man lik pin-ab' yin je o wi xaq akub'ib'al chi o u'ij lik k-e ni ij saq chrij.”

PRIMER LIBRO DE CR%D3NICAS 17:17

Lik xa jub'i' b'a taq ile Ajwal Dios chi xab'ij chwe wach ka'an chke i walk'uwal k-on panoq, xaq in awilom pacha jun winaq chi lik o u'ij.

2 Samuel 7:8

Rumali, chab'ija che ma David, chi wajchak, chi Yin in Ajwal Dios chi ronojel kintiki che, kinb'ij iri: “Yin xatwesaj li chkixol i chij, xaq xin-an chawe chi katterej ti chik chkij, man keje ile yet na at aj-atzil chke intinimit Israel.

Deuteronomio 28:1

We lik saq laj tzij katkojon che Awajwal Dios xaq ka'an ronojel ni'pa kub'ij utzij upixab' chi kinb'ij chawe wo'or, are uri i Ajwal katuya ni pkiwi konojel i tinimit re uwach i jyub' ta'aj.

PRIMER LIBRO DE CR%D3NICAS 14:1

Ma Hiram, chi ajawinel re i tinimit Tiro, xutaq b'i jub'an rajchak ru' ma David xaq xutaq b'i je ajanelab' xaq i ajyakol ja, ike le xkik'am b'i chomiq laj taq che' chi chakalte', re anb'al i nim laj rachoch ma David chi ajawinel.

PRIMER LIBRO DE CR%D3NICAS 14:3

I ma David xeutzukuj jub'an chik rixoqil chila pa Jerusalén, chi xaq xuk'uwalij rak'al alab'om xaq i altom ku' ixoqib' le.

SEGUNDO LIBRO DE CR%D3NICAS 2:10

Xwiri chakojo pajil chi konojel awajchak chi kkik'atzij i che' kinya ni iri chke: jo'winaq waqmo' lajujchiy (82,500) tintal trigo, jo'lajujwinaq waqmo' lajujchiy (82,700) tintal cebada, jo'mo' (2,000) tonel uwa'al uva muqb'am xaq jo'lajujwinaq waqmo' (2,700) tonel aceite.