PRIMER LIBRO DE CR%D3NICAS 14:1 - Wuj Pa K'ubultzij

¹ Ma Hiram, chi ajawinel re i tinimit Tiro, xutaq b'i jub'an rajchak ru' ma David xaq xutaq b'i je ajanelab' xaq i ajyakol ja, ike le xkik'am b'i chomiq laj taq che' chi chakalte', re anb'al i nim laj rachoch ma David chi ajawinel.

PRIMER LIBRO DE CR%D3NICAS 14:1 Referans Kwoze

Esdras 3:7

Te'uri xkiya i mer chke ajyakol ja xaq chke i ajanelab'; xwi ta la ile, xaq xkiya ti'b'alil, ya re tu'ik re xaq aceite chke i winaq aj Tiro xaq aj Sidón, man keje ile kkesaj b'i che' chakalte' pa k'achelaj Líbano, kkik'am b'i puwi i mar k'a che i tinimit Jope, chrij pacha xub'ij i ma Ciro chke chi ajawinel ke aj Persia.

SEGUNDO LIBRO DE CR%D3NICAS 2:3

Te'uri ma Salomón xutaq ub'ixkil che ma Hiram, chi ajawinel pa tinimit Tiro: Cha'ana chwe yin pacha xa'an che inqajaw ma David, chi xataq b'i che' chakalte' che, yakb'al jun nim laj rachoch ipa kk'iji wi.

PRIMER LIBRO DE CR%D3NICAS 22:2

Chrijil chik ile, i ma David xutaq kimolik kichi' konojel aj naj chi je jeqel pa tinimit Israel, xeu'ul jub'an ajchakib' chi kepa'aw uwach i ab'aj chi koksax che i rachoch i Dios.

PRIMER LIBRO DE CR%D3NICAS 17:1

Are o chik ma David puk'ijib'al chila pa nim laj rachoch, xub'ij che ma Natán, chi profeta: —Yin in o chupam jun nim laj ja chi lik chakalte' o che, xwiri i lo'laj ukaxa i Dios xa chuxe' jun kortin o wi chi nti u'ij.

1 Reyes 5:18

I je aj-anol ja re ma Salomón, xaq aj-anol ja re ma Iram xaq i jub'an chik winaq aj pa tinimit Gebal, xekiyijb'a i che' xaq xekiyijb'a i ab'aj re i rachoch i Dios.

1 Reyes 5:6

Chaya uri i taqanik chi chkik'atzij i che' chakalte' chi o chila che i jyub' Líbano. I wajchak yin kechakun ni ku' awajchak yet, lik kintoj ni kajil chrij ni'pa i kawaj yet ketojik. Man yet lik aweta'am chi mijun chqe yoj ktiki chuk'atzixik i che' pacha uk'atzixik kki'an i aj Sidón.”

1 Reyes 5:1

Are xuta ma Hiram, chi ajawinel re i tinimit Tiro, chi xkanaj kan ma Salomón pa ajawinel puk'exel ma David, chi uqajaw, are uri xeutaq b'i jub'an uwinaq puk'exel ire, man ma Hiram le lik ramiy ma David.

2 Samuel 7:2

are uri xub'ij che ma Natán, chi profeta: —Pacha kawilo ri, yin in o chupam jun nim laj ja chakalte', xwiri i lo'laj ukaxa i Dios xa chuxe' jun kortin o wi chi nti u'ij.

PRIMER LIBRO DE CR%D3NICAS 14:2

Are uri ma David xuk'am usuk' chi are i Ajwal x-uluw che i k'ijib'al chi o wi le, chi ajawinel pa tinimit Israel, man u'anom che chi kel chisaq ru' rajawinik puwi utinimit Israel.

1 Reyes 5:15

Xwi ta la ile, i ma Salomón xaq je o jo'lajujmo' wajxaqchiy (70,000) achiyab' ru' chi je aj-eqan xaq lajujchiy (80,000) achiyab' je ajpaxil ab'aj chwi taq jyub'.

SEGUNDO LIBRO DE CR%D3NICAS 2:2

Rumali xeutzukuj jo'lajujmo' wajxaqchiy (70,000) achiyab' aj-eqan, xaq lajujchiy (80,000) achiyab' chi kkichomaj ab'aj tzam taq jyub', xaq b'elejmo' (3,600) aj-atzil pkiwi konojel i ajchakib'.