PRIMER LIBRO DE CR%D3NICAS 13:6 - Wuj Pa K'ubultzij

⁶ Te'uri konojel i winaq re i tinimit Israel xaq ma David xeupon pa tinimit Quiriat-jearim, chi xaq Baala kb'ix che, chi ukwenta i ulew Judá, man keje ile kkesaj li i kaxa re utrat i Dios. Man chwach i kaxa le kkuxtax wi ub'i i Dios chi are Ire ku'at tzij pkiwi i querubín.

PRIMER LIBRO DE CR%D3NICAS 13:6 Referans Kwoze

JOSUÉ 15:9

Che i jyub' le kuko'ij chub'i uchi' pusuk' i ralaxb'al ya Neftoa, te'uri kik'aw chik uchi' le pa taq tinimit re i jyub' Efrón, kqaj b'i pa Baala chi Quiriat-jearim ub'i.

2 Reyes 19:15

Keje lapanik iri xu'an ma Ezequías ru' i Dios: “Ajwal chi ki-Dios aj Israel, yet chi o i akub'ib'al chi o u'ij pkiwi i querubín, xwi yet at Dios pkiwi i jalajuj taq tinimit. Yet xat-anaw i kaj xaq ronojel uwach i jyub' ta'aj.

ÉXODO 25:22

Kqariq ni qib' awu' chila chkixol i keb' querubín chi je o puwi i kaxa re utrat i Ajwal, chila puwi i ch'uqb'al uwi le, kinb'ij ni chawe ronojel ni'pa i tzij chi kab'ij ni chke aj Israel.

1 Samuel 4:4

Are uri aj Israel le xekitaq b'i jutzob'aj achiyab' pa Silo, chuk'amik i kaxa re utrat i Ajwal chi ronojel ktiki che, chi o ukub'ib'al chi o u'ij chkixol i querubin. A Ofni xaq i a Finees, chi je uk'ojol ma Elí, xkachnimaj li kaxa re utrat i Ajwal.

JOSUÉ 15:60

Xaq i tinimit Quiriat-baal chi are i Quiriat-jearim, xaq i Rabá; keb' tinimit rachi'ilam ukomon.

ISAÍAS 37:16

“Ajwal chi ronojel kattiki che, chi at ki-Dios aj Israel, chi o akub'ib'al chi o u'ij pkiwi i querubín, lik xwi Yet at Dios pkiwi konojel i ajawinelab' chwach ulew; Yet xat-anaw i kaj xaq i ulew.

Salmos 99:1

¡I Ajwal Ire Ajawinel! ¡Cheb'arb'at ni i winaq re i nimaq taq tinimit. Ire o ukub'ib'al chi o u'ij pkiwi i querubín! Chyikyat ni ronojel uwach i jyub' ta'aj.

Salmos 80:1

Yet ajyu'unel ke aj Israel, chi kawok'aj ma José pacha jun chij, chi o akub'ib'al o u'ij pkiwi i querubín, ¡chatatb'ej! Lik utz ilik cha'ana i ma Efraín,

1 Reyes 8:16

“Lik che i ij are xewesaj li intinimit Israel pa Egipto, mijun tinimit chke i jalajuj taq kitzob'ajil aj Israel xin-ulu re kin-an jun wachoch chila re kojb'al u'ij i lo'laj inb'i. Xwiri xin-ul ma David man are ire k-ataw tzij puwi intinimit Israel.”

NÚMEROS 7:89

Are xok b'i ma Moisés pa ja re i riqb'al ib' ru' i Dios che i lapanik ru' i Dios, are uri xuta chi k-ijlax rumal i Ajwal puwi i ch'uqb'al uwi i kaxa re utrat i Dios, chila chkixol i keb' querubín.

NÚMEROS 6:27

Keje ile, ike kkikuxtaj ni inb'i pkiwi i aj Israel xaq Yin kinya ni utzil chomal pkiwi.

ÉXODO 23:21

Chakojo retalil wach kub'ij i ángel le chawe, chatkojon che xaq lik matqelan che, man ire ink'exel Yin ku'ano xaq lik kukuy ti aqelanik.

ÉXODO 20:24

Chit'ub'a uchi' jut'ub'aj ulew re sujb'al sipon chinwach, man puwi i sujb'al sipon le kisujuj wi ichij, ichikop xaq isipon chi kporoxik re chomb'al ib'. Yin kink'un ni che i k'ijib'al ipa kinb'ij wi chiwe, man chila kikuxtaj kinataj wi inb'i, xaq chila kinya wi utzil chomal piwi.

JOSUÉ 9:17

Rumali xkimaj b'i kib'e chkitzukuxik aj Gabaón, churox ij xeupon pa kitinimit: Gabaón, Cafira, Beerot xaq Quiriat-Jearim.

1 Samuel 6:21

Are uri xkitaq b'i tziji chke aj Quiriat-jearim: “I aj Filistea xkitzalijsaj li lo'laj ukaxa i Dios, rumali chixpet chuk'amik.”