PRIMER LIBRO DE CR%D3NICAS 13:5 - Wuj Pa K'ubultzij

⁵ Ma David xumol kichi' konojel i winaq chi je o pa jalajuj taq tinimit Israel, kjeqan b'i che i tinimit Sihor chi o chuchi' i tinimit Egipto, kupon k'a pa okb'al che i tinimit Hamat, man ke'e chuk'amik i lo'laj ukaxa i Dios chi o pa tinimit Quiriat-Jearim.

PRIMER LIBRO DE CR%D3NICAS 13:5 Referans Kwoze

1 Samuel 6:21

Are uri xkitaq b'i tziji chke aj Quiriat-jearim: “I aj Filistea xkitzalijsaj li lo'laj ukaxa i Dios, rumali chixpet chuk'amik.”

1 Reyes 8:65

Che taq i ij le, i ma Salomón xu'an jun nima'ij junam ku' konojel aj Israel, lik je k'i xemoltajik, k'unnaq kichi' che i okb'al che i tinimit Hamat, uponnaq k'a chi raqana Egipto; xki'an i nima'ij ke i mujb'al re es, ile xuch'ij wuqub' ij kojb'al u'ij i Qajwal Dios. Xaq xki'an jun chik nima'ij chi xuch'ij chik wuqub' ij, ke'eloq chi kajlajuj ij xuch'ij ronojel i nima'ij le.

2 Samuel 6:1

Ma David xumol chik kichi' achiyab' chi je yij che i ch'oj chi xaq je ultal chkixol aj Israel, ike le je jo'lajujmo' oxchiy (30,000) konojel.

PRIMER LIBRO DE CR%D3NICAS 15:3

Te'uri xumol kichi' konojel aj Israel chila pa tinimit Jerusalén man kkik'am b'i kaxa re utrat i Ajwal chila che i k'ijib'al chi xuyijb'a.

PRIMER LIBRO DE CR%D3NICAS 13:6

Te'uri konojel i winaq re i tinimit Israel xaq ma David xeupon pa tinimit Quiriat-jearim, chi xaq Baala kb'ix che, chi ukwenta i ulew Judá, man keje ile kkesaj li i kaxa re utrat i Dios. Man chwach i kaxa le kkuxtax wi ub'i i Dios chi are Ire ku'at tzij pkiwi i querubín.

1 Reyes 4:21

Ma Salomón lik nim u'ij chkiwach konojel xaq lik are ire ajawinel pkiwi konojel i jalajuj taq tinimit chi je o chila che i raqana Éufrates k'a kupon che kulew aj Filistea, xaq kupon k'a chuchi' kulew i aj Egipto. Ike le lik xek'iji pu'ab' ma Salomón xaq xkitoj alkawal che tz'aqat k'a k'aslik.

JEREMÍAS 2:18

Wo'or ¿Wach kach'ak che chi kat-e pa Egipto chutu'ik i ya re i raqana Nilo? ¿Wach kach'ak che chi kat-e pa Asiria chutu'ik i ya re i raqana Éufrates?

JOSUÉ 9:17

Rumali xkimaj b'i kib'e chkitzukuxik aj Gabaón, churox ij xeupon pa kitinimit: Gabaón, Cafira, Beerot xaq Quiriat-Jearim.

1 Samuel 7:1

Are uri xeupon i winaq aj Quiriat-jearim chuk'amik i lo'laj ukaxa i Dios, xkik'am b'i chi rachoch ma Abinadab chi o rachoch puwi jun jyub'. Chila xki'ul wi a Eleazar chi uk'ojol ma Abinadab man kuchajij i lo'laj ukaxa i Dios.

PRIMER LIBRO DE CR%D3NICAS 13:4

Are uri konojel i winaq lik utz xkita chi k-ani ile, man konojel lik usuk' ile xkita wach xb'ixik.

ISAÍAS 23:3

Xaq i nimaq taq ya le kech'akan chrij i b'iroxik b'a'il chi k'ayij re i tinimit Sihor xaq i molonik re i raqana Nilo, kek'ayinik xaq kelo'on pa nimaq taq tinimit.

1 Samuel 7:2

Juwinaq junab' xuch'ij i lo'laj ukaxa i Ajwal chila pa Quiriat-jearim xaq are i junab' ile chi aj Israel lik arewi xkitzukuj i Ajwal ru' ronojel kik'ux.