PRIMER LIBRO DE CR%D3NICAS 11:8 - Wuj Pa K'ubultzij

⁸ I ma David xuyak i ja chrij chwach i tinimit le, chi kjeqan b'i chila Milo, kupon k'a chrij chwach i rachoch i ajawinel. I ma Joab xuk'is uyijb'axik i tinimit.

PRIMER LIBRO DE CR%D3NICAS 11:8 Referans Kwoze

NEHEMÍAS 4:2

xub'ij chkiwach i rachi'il xaq chkiwach achiyab' chi je yij che i ch'oj aj Samaria: “¿Wach taq ki'ij aj Israel le, ya ne kekamik? ¿Kkich'ob' wa ike le chi kya' chik chke chi kkiporoj chik kisipon? ¿Kkich'ob' wa ike chi xa jun ij kki'an che i chak le? ¿Xatab'a kkich'ob' ike chi che i t'ub'aj k'atnaq ab'aj le, kkesaj chik k'ak' ab'aj?”

2 Reyes 12:20

Are i je rajpatanib' xe'anaw che ronojel, man are ike xech'ob'owik wach taq ukamsaxik kki'an che. Xkikamsaj chila chupam i nim laj ja Milo, chi o pa xulanik che i tinimit Sila.

1 Reyes 11:27

I ma Jeroboam le xu'an ch'oj chrij ma Salomón rumal iri: I ma Salomón ktijin te'eq chunojsaxik i siwan ru' ulew re kutz'apij ik'awb'al chi o putinimit etz uqajaw mam David.

1 Reyes 9:15

I usuk' i k'ax laj chak chi lik ko kitaqik chu'anik rumal i ajawinel ma Salomón anb'al re i rachoch i Ajwal xaq i nim laj rachoch ire chi ajawinel, unojsaxik upam i nimaq taq siwan, xaq i tapial chi xusutij rij i tinimit Jerusalén, Hazor, Meguido xaq Gezer, are iri:

Jueces 9:20

Xwiri we xi'an ti uk'exel i utz le, chel na li uri jun a' che ma Abimelec chi kuchup b'i kiwach konojel i aj Siquem xaq konojel i aj Bet-milo, xaq chel na li jun a' chke aj Siquem xaq chke aj Bet-milo re kuchup b'i uwach ma Abimelec.

Jueces 9:6

Chrijil chik ile konojel i winaq aj Siquem xaq i winaq aj Bet-milo, xkimol kib' chila chuxe' i sik'al chi o chila ru' i lo'laj ab'aj chi o chila Siquem, are uri xkiya kan ma Abimelec pa ajawinel.

PRIMER LIBRO DE CR%D3NICAS 11:7

Chrijil chik ile ma David x-e pa jeqelem pa tinimit chi sutim rij ru' tapial, rumali chi xya' pub'i: Tinimit re ma David.

PRIMER LIBRO DE CR%D3NICAS 11:9

I u'ij ma David ij ij ktijin unimarik, man i Ajwal chi ronojel ktiki che lik o ru'.