I aj Jebús xkib'ij che ma David: “¡Yet katok ta li che i tinimiti!” Xecha. Xwiri ma David xtiki che okik puwi i tapial, rumali xuk'am i tinimit chi Sion ub'i, chi wo'or etamam uwach ru' i b'iyaji: Tinimit re ma David.
Ma David xub'ij: “I nab'e winaq chi ku'an ch'oj chkij aj Jebús, kinya ni pa aj-atzil pkiwi konojel aj-atzil.” I nab'e winaq chi xu'an ch'oj, are ma Joab chi ralab' ati Sarvia, rumali chi xya' kan pa aj-atzil pkiwi konojel aj-atzil.
I ma David xuyak i ja chrij chwach i tinimit le, chi kjeqan b'i chila Milo, kupon k'a chrij chwach i rachoch i ajawinel. I ma Joab xuk'is uyijb'axik i tinimit.