PRIMER LIBRO DE CR%D3NICAS 11:6 - Wuj Pa K'ubultzij

⁶ Ma David xub'ij: “I nab'e winaq chi ku'an ch'oj chkij aj Jebús, kinya ni pa aj-atzil pkiwi konojel aj-atzil.” I nab'e winaq chi xu'an ch'oj, are ma Joab chi ralab' ati Sarvia, rumali chi xya' kan pa aj-atzil pkiwi konojel aj-atzil.

PRIMER LIBRO DE CR%D3NICAS 11:6 Referans Kwoze

2 Samuel 8:16

I aj-atzil chke achiyab' chi je yij che i ch'oj are ma Joab, chi ralab' ati Sarvia, i ma Josafat, chi uk'ojol ma Ahilud, are rajtz'ib' i ajawinel.

2 Samuel 20:23

I ma Joab xkanaj pa aj-atzil pkiwi konojel i achiyab' chi je yij che i ch'oj aj Israel, xaq ma Benaía, chi uk'ojol ma Joiada, xkanaj pa aj-atzil pkiwi aj Creta xaq pkiwi aj Peleteo.

2 Samuel 3:27

I ma Abner are xupon pa tinimit Hebrón, xk'am b'i rumal ma Joab putzal pan uchija, man kelapan kitukel. Are je o chik kitukel, i ma Joab le xujil b'i ch'ich' che upam ma Abner, are uri xkamik, elsab'al roywal che rumal ukamsaxik ucha' chi etz ma Asael.

2 Samuel 2:18

Chila je o wi oxib' ralab' ati Sarvia chi: Ma Joab, ma Abisai xaq ma Asael. I ma Asael lik kuch'ij b'e pacha kej aj pa taq es,

1 Samuel 17:25

xaq xkib'ij: “¿Xiwil i achi le chi lik arewi kuto'ta qoywal? Pachin jun kukamsaj ma Goliat le, i ajawinel kuya ni k'iyal b'eyomal che, kuya ni umi'al che re rixoqil xaq i ralk'uwal kkitoj ti chik alkawal uri.”

2 Samuel 2:13

Xaq ma Joab chi ralab' ati Sarvia xaq i achiyab' re ma David chi je yij che i ch'oj, xe'el chila pa tinimit Hebrón, xkiriqa kib' chila ipa o wi i yab'al ya Gabaón, chekeb' tzob'aj achiyab' chi je yij che i ch'oj xkiyijb'a kib', jutzob'aj xek'iji chutzal i yab'al ya jewa xaq jutzob'aj chik xek'iji jela.

1 Reyes 1:7

I ma Adonías le u'anom jun trat ru' ma Joab, chi ralab' ati Sarvia, xaq ru' i ajsujul sipon ma Abiatar, chi kiya'om kiwach ru'.

PRIMER LIBRO DE CR%D3NICAS 11:5

I aj Jebús xkib'ij che ma David: “¡Yet katok ta li che i tinimiti!” Xecha. Xwiri ma David xtiki che okik puwi i tapial, rumali xuk'am i tinimit chi Sion ub'i, chi wo'or etamam uwach ru' i b'iyaji: Tinimit re ma David.

PRIMER LIBRO DE CR%D3NICAS 11:7

Chrijil chik ile ma David x-e pa jeqelem pa tinimit chi sutim rij ru' tapial, rumali chi xya' pub'i: Tinimit re ma David.

PRIMER LIBRO DE CR%D3NICAS 18:15

I aj-atzil ke achiyab' chi je yij che i ch'oj are ma Joab, chi ralab' ati Sarvia; i ma Josafat, chi uk'ojol ma Ahilud, are rajtz'ib' i ajawinel.

PRIMER LIBRO DE CR%D3NICAS 27:34

I xekanaj puk'exel ma Ahitofel, je are ma Joiada, chi uk'ojol ma Benaía xaq ma Abiatar. I aj-atzil chke uwinaq i ajawinel chi je yij che i ch'oj, are ma Joab.

Salmos 60:9

¿Pachin kinuk'am nu b'i pa tinimit chi sutim rij ru' tapial nim uwach? ¿Pachin kinuk'am nu b'i k'a pa Edom?