PRIMER LIBRO DE CR%D3NICAS 11:3 - Wuj Pa K'ubultzij

³ Keje uri ile chi konojel i rijab' re i jutzob'aj ke aj Israel, xe'e pa Hebrón xaq xelapan ru' ma David chi ajawinel, i ma David xu'an jun trat ku' ike chwach i Ajwal. Are uri ike xkiya ma David pa ajawinel puwi i tinimit Israel, chrij pacha xub'ij i Dios che ma Samuel.

PRIMER LIBRO DE CR%D3NICAS 11:3 Referans Kwoze

1 Samuel 16:1

I Ajwal xub'ij che ma Samuel: —¿K'a junpa kamayij ile chi katb'ison che ma Saúl? Yin lik kwaj ti chik chi ire le ajawinel pa tinimit Israel. Jat, chanojsaj i rok'a' chij che i aceite man kwaj chi kat-e chi rachoch ma Isaí chi aj Belén, man in-ulum chik jun chke i rak'al chi kkanaj kan pa ajawinel.

2 Samuel 5:3

Keje uri ile chi konojel i rijab' re i jutzob'aj aj Israel, xe'e pa lapanik ru' ma David chila Hebrón, are uri ma David le xu'an jun trat ku' konojel, lik chwach i Ajwal. Are uri i rijab' re i jutzob'aj aj Israel xkijach ma David pu'ab' i Dios re kkanaj pa ajawinel puwi i tinimit Israel.

2 Samuel 2:4

Chrijil chik ile xeupon achiyab' aj Judá, te'uri xki'ul ma David re kkanaj pa ajawinel re i tinimit Judá. Are xkilap che chi are i winaq aj Jabes re i Galaad xemuquw ma Saúl,

1 Samuel 16:3

Chrijil chik ile, chab'ij che ma Isaí chi chupon awu' are kaporoj asipon chinwach, Yin kinb'ij ni chawe wach i ka'ano xaq kinb'ij ni chawe pachin kaya kan pa ajawinel.

SEGUNDO LIBRO DE CR%D3NICAS 23:3

Konojel ni'pa xkimol kib' chila xki'an jun trat ru' i ajawinel prachoch i Dios. I ma Joiada xub'ij chke: “¡I ala chi o chiwachi are rak'al i ajawinel! Are ire ri kmajawik kkanaj pa ajawinel chrij pacha ub'im i Ajwal chke i je umuq uxikin ma David.

2 Reyes 23:30

Are uri i je rajpatan xkiya b'i uch'akul ma Josías chupam jun ch'ich', xkesaj b'i pa Meguido, xekiya k'a Jerusalén; chila xkimuq wi chupam ujul. I winaq chi je aj pa tinimit xkik'am ma Joacaz, chi uk'ojol ma Josías, re ajawinel puk'exel kan uqajaw.

2 Reyes 11:17

Chrijil chik ile, ma Joiada xu'an jun trat ru' i Ajwal xaq ku' konojel i winaq; i trat chi xki'ano le kub'ij chi lik kkito ni kib' che ronojel wach i kki'ano xaq je are ni utinimit i Ajwal.

1 Samuel 28:17

I Ajwal xu'ano pacha xub'ij chawe wumal yin, xumaj i u'atik tzij pa'ab', xuya che awachi'il chi ma David.

1 Samuel 23:18

Are uri chekeb' xki'an jun trat chkiwach xaq xkiya i Ajwal chi lik are ire ajsaqinel tzij chke. Chrijil chik ile ma Jonatán xtzalij chi rachoch, i ma David xkanaj kan chila pa Hores.

1 Samuel 15:28

Are uri ma Samuel xub'ij che ma Saúl: —Pacha xa'an yet le chi xaraqch'ij in-u', xaq keje ile ku'an i Ajwal chawe yet wo'or katresaj ni che ajawinik pkiwi aj Israel, xumaj chawe man kuya che jun awach aj tinimit chi lik utz uk'ux chawach yet.

1 Samuel 11:15

Are uri konojel i winaq xe'e pa tinimit Gilgal, chila chwach i Ajwal xkiya kan ma Saúl pa ajawinel. Chrijil chik ile xkisujuj i sipon re riqb'al uxlanb'al k'uxij chwach i Ajwal; are uri a Saúl xaq konojel aj Israel lik xekikotik.

Jueces 11:11

Are uri ma Jefté le x-e ku' aj Galaad xaq ike xki'an kaj-atzil che. Chila che i k'ijib'al chi Mizpa ma Jefté xub'ij chik chwach i Ajwal pacha ub'im ujer.

2 Samuel 5:5

Wuqub' junab' ru' nik'aj xrajawin puwi i tinimit Judá chila Hebrón. Xaq oxlajuj juwinaq (33) junab' xrajawin puwi ronojel i tinimit Israel xaq i Judá are o chila Jerusalén.

PRIMER LIBRO DE CR%D3NICAS 11:10

Je are uwinaq ma David iri chi lik ko kiwach, chi xkito che i ajawinik xaqjunam ku' aj Israel chi xkiya pa ajawinel man krajawin ni pkiwi chrij pacha ub'im i Ajwal chke aj Israel.