PRIMER LIBRO DE CR%D3NICAS 11:14 - Wuj Pa K'ubultzij

¹⁴ Xwiri i ma Eleazar le xutak'b'a rib' chwach i ch'oj chila pa nik'aj che i ta'aj, xuto ma David man xeukamsaj aj Filistea. Keje uri ile chi Ajwal xuya jun nim laj ch'akanik chke.

PRIMER LIBRO DE CR%D3NICAS 11:14 Referans Kwoze

Salmos 144:10

Yet, chi kaya i ch'akanik chke i ajawinelab', Yet, chi xaq xawesaj awajpatan ma David chwach i kamik. Chinawesaj chwach i ch'ich' chi o uware k'ulala. Chinawesaj pki'ab' i winaq chi weta'am ti kiwach, xaq ni'pa i ke t'oronik, xaq ni'pa kkiyak ki'ab' wiqab'im chikaj chub'ixkil i tzij chwij chi qatzij taj.

Proverbios 21:31

Are i winaq kyijb'aw i kaway are kuriq ij re i ch'oj, xwiri i ch'akanik are i Ajwal kyawik.

Salmos 18:50

Kaya i nimaq taq ch'akanik che i ajawinel chi a'ulum; arewi o k'axnab'al ak'ux che ma David xaq chke umuq uxikin.

2 Reyes 5:1

O jun achi chi ma Naamán ub'i, ire aj-atzil ke i achiyab' chi je yij che i ch'oj, re i ajawinel pa tinimit Siria. I ma Naamán le, lik k'ax kna' rumal i ajawinel, man i Ajwal uya'om jun nim laj ch'akanik che i tinimit Siria rumal i ma Naamán le. Xwiri o jun yob'il che utz'umalil.

2 Samuel 23:10

Xwiri ire lik ko xutak'b'a rib' chkikamsaxik aj Filistea, k'a xkos ni u'ab', xaq lik xnak'i uch'ich' chi o uware k'ulala che u'ab'. Che i ij le, i Ajwal xuya jun nim laj ch'akanik che. Te'uri i achiyab' chi je yij che i ch'oj aj Israel, xeterej b'i chrij ma Eleazar chuk'amik ub'itaq ke aj Filistea chi xmaji kan chke.

1 Samuel 19:5

man xuya uk'aslemal pa kamik are xukamsaj ma Goliat chi aj Filistea, keje kelsaxik konojel i aj Israel ile xu'an i Ajwal pki'ab' aj Filistea, yet are xawilo lik xatkikot rumal ile, ¿B'uchak chi kapetsaj jun nim laj mak atzalal chawij rumal kawaj ukamsaxik jun winaq chi nti umak?

1 Samuel 14:23

I ch'oj le xupon k'a che i Bet-avén, che i ij le i Ajwal xeuto aj Israel.

PRIMER LIBRO DE CR%D3NICAS 11:13

I ma Eleazar le o junam ru' ma David chila pa Pasdamim are xkimol kib' aj Filistea chila chu'anik ch'oj. Chila o wi jun ulew chi tikom cebada chwach ipa xe'anmaj wi aj Israel chkiwach aj Filistea.

PRIMER LIBRO DE CR%D3NICAS 11:15

Xuk'ulmaj juyak, oxib' chke i je lajuj juwinaq (30) achiyab' chi lik ko kiwach che i ch'oj, xe'e ru' ma David chila pa pek chi o che jun nim laj ab'aj pa Adulam, i aj Filistea je o chila che i k'ijib'al chwa ta'aj Refaim.