PRIMER LIBRO DE CR%D3NICAS 11:10 - Wuj Pa K'ubultzij

¹⁰ Je are uwinaq ma David iri chi lik ko kiwach, chi xkito che i ajawinik xaqjunam ku' aj Israel chi xkiya pa ajawinel man krajawin ni pkiwi chrij pacha ub'im i Ajwal chke aj Israel.

PRIMER LIBRO DE CR%D3NICAS 11:10 Referans Kwoze

PRIMER LIBRO DE CR%D3NICAS 11:3

Keje uri ile chi konojel i rijab' re i jutzob'aj ke aj Israel, xe'e pa Hebrón xaq xelapan ru' ma David chi ajawinel, i ma David xu'an jun trat ku' ike chwach i Ajwal. Are uri ike xkiya ma David pa ajawinel puwi i tinimit Israel, chrij pacha xub'ij i Dios che ma Samuel.

PRIMER LIBRO DE CR%D3NICAS 12:38

Konojel i achiyab' le chi je yij che i ch'oj, xe'e pa tinimit Hebrón lik ru' ronojel kik'ux chuya'ik kan ma David pa ajawinel re ronojel i tinimit Israel. Xwi ta la ile, xaq konojel aj Israel xkijunamsaj kiwach chuya'ik ma David pa ajawinel.

2 Samuel 3:21

Chrijil chik ile ma Abner xub'ij che ma David: —Wo'or kin-ek man kinmol kichi' konojel i winaq aj Israel, man kki'an jun trat awu' xaq keje ile yet ka'at ni tzij uri pacha arayijb'al. Are uri ma David xu'ijla b'i ma Abner, rumali chi xkub'i uk'ux i x-ek.

1 Samuel 16:1

I Ajwal xub'ij che ma Samuel: —¿K'a junpa kamayij ile chi katb'ison che ma Saúl? Yin lik kwaj ti chik chi ire le ajawinel pa tinimit Israel. Jat, chanojsaj i rok'a' chij che i aceite man kwaj chi kat-e chi rachoch ma Isaí chi aj Belén, man in-ulum chik jun chke i rak'al chi kkanaj kan pa ajawinel.

PRIMER LIBRO DE CR%D3NICAS 12:23

Are kik'iyal achiyab' iri chi lik je yij chu'anik i ch'oj chi xeupon ru' ma David chila pa Hebrón yab'al re pa ajawinel puk'exel ma Saúl, chrij pacha i taqanik chi xu'an i Ajwal:

PRIMER LIBRO DE CR%D3NICAS 28:1

Ma David xumol kichi' konojel i je aj-atol tzij ke aj Israel chila pa Jerusalén: I aj-atzil ke i jalajuj taq tzob'ajil, i aj-atzil ke i achiyab' chi je yij che i ch'oj chi je re i ajawinel, atz laj aj-ok'al utzam i kaj-atzil i achiyab' chi je yij che i ch'oj pa taq lajujwinaq kamo' (1,000) xaq pa taq jo'winaq (100) achiyab' chi je yij che i ch'oj, konojel i keok'aw utzam che ronojel ulew xaq i jalajuj taq uchikop i ajawinel xaq i ub'itaq ke i rak'al, i winaq chi nimaq ki'ij, konojel i kinimaqil achiyab' chi je yij che i ch'oj xaq i achiyab' chi ki'anom nimaq taq kipatan chi xaq je yij che i ch'oj.

PRIMER LIBRO DE CR%D3NICAS 12:21

Je are achiyab' ile chi xetow ma David chu'anik i ch'oj chkij i ajch'oj chkij, man ike lik ko kiwach chu'anik ch'oj xaq je aj-atzil ke achiyab' chi je yij che i ch'oj.

PRIMER LIBRO DE CR%D3NICAS 12:24

Chke utzob'ajil ma Judá: Je wuqlajujmo' (6,800) achiyab' chi kok'am b'i tob'al kib' xaq kiche' ch'ich' utzam, lik je yij che i ch'oj.

PRIMER LIBRO DE CR%D3NICAS 12:39

Xekanaj kan oxib' ij chila ru' ma David chutijawik kiwa, chutu'ik kiya', man i katz kicha' chi aj chila pa tinimit xkiyijb'a jalajuj taq ti'b'alil chke.

PRIMER LIBRO DE CR%D3NICAS 27:1

Iri are kib'i i aj-atzil ke i alk'uwalil, je aj-atzil ke i tzob'aj re lajujwinaq kamo' (1,000) xaq re jo'winaq (100) achiyab' chi je yij che i ch'oj xaq jub'an chik aj-ok'al utzam chke i achiyab' chi je yij che i ch'oj. Xki'an jalajuj taq tzob'aj re oxchiy (24,000) achiyab' chi ik' ik' o u'ijlal kichak, anb'al re kipatan chrij i ajawinel.