PRIMER LIBRO DE CR%D3NICAS 10:7 - Wuj Pa K'ubultzij

⁷ I konojel aj Israel chi je jeqel chila che i ta'aj, are xkilo chi xe'anmaj b'i achiyab' chi je yij che i ch'oj xaq xkam ma Saúl junam ku' i oxib' uk'ojol, are uri xko'taj kan kitinimit ipa je o wi, xe'anmaj b'ik. Are uri xeupon aj Filistea xaq xejeqi chila che i tinimit le.

PRIMER LIBRO DE CR%D3NICAS 10:7 Referans Kwoze

1 Samuel 31:7

I aj Israel chi je jeqel ch'aqap che i ta'aj xaq prelb'al ij che i Jordán, are xkilo chi konojel aj Israel chi je yij che i ch'oj xekamik, xkam ma Saúl xaq xekam oxib' rak'al, are uri xko'taj kan kitinimit, xe'anmaj b'ik. I aj Filistea are xeupon chila xekanaj kan pa jeqelem che i tinimit le.

1 Samuel 13:6

I aj Israel lik xek'iji pa jalajuj taq k'ax man x-an ch'oj chkij kumal aj Filistea, rumali chi xe-anmajik, xkuwaj kib' pa taq pek, pa taq jul, pa taq nimaq taq ab'aj xaq pa taq k'otom chi chaqijnaq chik ya chupam.

Jueces 6:2

I aj Madián lik arewi kki'an k'ax chke aj Israel, i aj Israel le rumal kixib'rikil chke aj Madián xki'an uwajb'al kib' tzam taq jyub', pa taq pek xaq pa taq k'ijib'al chi lik k'ax okik che.

Deuteronomio 28:43

I winaq aj naj chi je o patinimit, ike ij ij mas o kicho'ab', xwiri yet ij ij xa kk'is acho'ab'.

Deuteronomio 28:33

Winaq chi aweta'am ti kiwach kkitij b'i uwach atikon xaq kkik'am nu b'i ronojel ni'pa ach'akom chwach achak. Ij ij kki'an ni k'ax chawe xaq kkipetsaj b'is ru' awanima.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

LEVÍTICO 26:31

kinwulijsaj ni itinimit, xaq kinwulijsaj ni lo'laj k'ijib'al ke i tiox man tzel kinsiq ruxlab' isipon.

PRIMER LIBRO DE CR%D3NICAS 10:6

Keje kikamik ma Saúl ile che i ij le, oxib' rak'al xaq konojel i ralk'uwal.

PRIMER LIBRO DE CR%D3NICAS 10:8

Chukab' ij are xeupon aj Filistea chumajik kib'itaq ke konojel ni'pa je kamnaq, xkiriq ma Saúl xaq i oxib' uk'ojol je jab'al b'i pa taq es chila che i jyub' Gilboa.