PRIMER LIBRO DE CR%D3NICAS 10:12 - Wuj Pa K'ubultzij

¹² are uri xkimol kib' konojel i achiyab' chi lik ko kiwach, xe'e chuk'amik uch'akul ma Saúl xaq kich'akul i rak'al, xekik'am b'i pa tinimit Jabes. Chila xkimuq wi chuxe' jun nim laj che' sik'al. Chrijil chik ile xkimayij wuqub' ij wa'im rumal kib'is.

PRIMER LIBRO DE CR%D3NICAS 10:12 Referans Kwoze

2 Samuel 3:35

Are uri k'iyal mul xkitz'onoj utzil che ma David chi rajwaxik kutij uwa re trigo chuxe'el uqajb'al ij, xwiri ma David lik xub'ij pub'i i Ajwal: —¡Chuya ni i nim laj utojb'alil i Dios pinwi, we kintij jun wa re trigo xaq pachike jun chik b'iroxik are k'amaja ktzaq b'i ij!

GÉNESIS 50:10

Are xeupon chila ipa k-osix wi trigo chi Atad ub'i, chi o naqaj che i raqana Jordán, are uri konojel lik xe'o'ik xaq lik xesik'inik. I ma José wuqub' ij xb'ison che uqajaw chila.

GÉNESIS 35:8

Che taq i ij le xkam ati Débora, chi k'itsawnaq tit Rebeca, xkimuq kan chila chuxe' i Sik'al chi o naqaj che i Bet-el, rumali ma Jacob xuya pub'i i k'ijib'al le: “Sik'al re o'ej.”

Juan 11:19

Lik je k'i chke aj Judío je uponnaq chrilik ati Marta xaq i ati Mariy, re kekipakb'ej jub'i' kib'is rumal ukamik kixib'al.

GÉNESIS 12:6

i mam Abram xeik'aw chupam ronojel ulew Canaán xeupon k'a che ulew Siquem, chila ipa o wi i sik'al More. Che taq i ij le je are aj Canaán je o chwach ulew le.

1 Samuel 31:12

xkijunamsaj kitzij konojel achiyab' chi lik ko kiwach chu'anik ch'oj, te'uri xe'e chila ipa o wi uch'akul ma Saúl, xeb'in jun a'ab', are xeupon chila ipa o wi uwach xan le chi re Bet-sán, xkiqajsaj li uch'akul ma Saúl xaq kich'akul i je oxib' uk'ojol, are uri xetzalij chub'i pa Jabes, chila xkiporoj wi.

PRIMER LIBRO DE CR%D3NICAS 10:11

Konojel i winaq je aj pa tinimit Jabes chi ukwenta i Galaad, are xketamaj wach xki'an aj Filistea che ma Saúl,

1 Samuel 11:1

Ma Nahas, chi ajawinel pa Amón, x-e pa tinimit Jabes chi o chila pa Galaad, are uri xeuyijb'a i achiyab' chi je yij che i ch'oj re anb'al ch'oj chrij i tinimit, xwiri i winaq aj chila pa tinimit Jabes le xkib'ij che: —Cha'ana jun trat qu' man keje ile kqajach ni qib' pa'ab'.

1 Samuel 11:9

Are uri xub'ij chke ajb'il tzij chi xek'unik: —Chib'ij chke i winaq aj pa tinimit Jabes re Galaad chi chweq pa'ij kojupon chkito'ik. Are uri i je ajb'il tzij xe'ek xaq xkilap chke aj Jabes, are xkita ike ile lik xekikotik.