Samz 96:6 - Tèstèman nèf-la: Épi an posyòn an liv samz-la

⁶ Moun ki vini douvanʼy ka wè gwandèʼy èk lonnèʼy, yo ka wè pouvwa Senyè-a èk bèltéʼy an Kay li.

Samz 96:6 Referans Kwoze

Samz 104:1

Kité mwen glowifyé Bondyé Senyè-a èk tout lam mwen! Bondyé Senyè mwen, pa dé gwan pouvwaʼw gwan! Ou abiyé èk lonnè èk pouvwa,

Hibrou 1:3

An li nou ka wè klèté Bondyé, èk lè nou wè Gason-an, sé Bondyé menm nou wè. I ka tjenbé tout bagay ansanm èk pouvwa pawòl li. Lè i fini nétwayé péché lézòm, i asid an syèl asou lanmen dwèt Bondyé, gwan wa-a.

Samz 27:4

Yon bagay mwen ja mandé Bondyé Senyè-a. Yon sèl bagay mwen vlé, sé pou viv an Kay Bondyé Senyè-a pou tout lavi mwen, pou mwen gadé bèlté Bondyé Senyè-a, èk pou mwen mandéʼy pou kondwi lavi mwen.

Samz 19:1

Syèl-la ka fè moun konnèt pouvwa Bondyé. I ka moutwé aklè twavay lanmenʼy.

Samz 8:1

Bondyé Senyè, sé ou ki Senyè nou. Toupatou moun gadé an latè-a yo ka wè pouvwaʼw. Pouvwaʼw ka wivé pli ho pasé syèl-la.

Samz 63:5

Lam mwen kay satisfè, menm kon an moun ki manjé adan an gwan fèt. Mwen kay chanté èk tjè kontan pou glowifyéʼw.