Samz 84:11 - Tèstèman nèf-la: Épi an posyòn an liv samz-la

¹¹ Sé Bondyé Senyè-a ki klèté nou, sé li ki ka pwotèkté nou. I ka voyé bontéʼy asou nou èk i ka onnowé nou. Lè an moun ka fè sa ki dwèt, Bondyé pa ka wifizéʼy anyen ki bon.

Samz 84:11 Referans Kwoze

Mafyou 6:33

Mé kité Bondyé kondwi laviʼw avan, épi fè tout sa i vléʼw fè, épi i kay baʼw tout sé lézòt bagay sala.

Filipay 4:19

Bondyé-a mwen ka sèvi-a ni an chay wichès épi i kay baʼw tout sa ou bizwen adan an bèl mannyè paski ou ja manché èk Jézi Kwi.

Wévélasyon 21:23

Vil sala pa bizwen klèté sòlèy-la ében lalin-an paski klèté Bondyé ka kléwé la, épi sé Ti Mouton-an ki lanp vil-la.

Liv Bon Nouvèl-la Jan Ékwi-a 8:12

Jézi palé bay sé Fawizyen-an ankò, i di, “Sé mwen ki klèté-a ki ka kléwé tout moun an latè-a. Népòt moun ki swiv mwen kay ni klèté-a ki ka bay lavi-a èk i pa kay janmen maché an nwèsè.”

Samz 27:1

Bondyé Senyè-a sé klèté mwen èk sovè mwen. Ki moun mwen kay pè? An tout danjé, Bondyé Senyè-a ka pwotèkté mwen. Ki moun ki sa fè mwen anyen?

Filipay 1:6

Sé pou sa mwen asiwé Bondyé ki koumansé bon twavay sala an ou kay kontinéʼy jis jou-a lè Senyè Jézi Kwi kay witounen lè twavay sala kay fini.

Samz 15:2

Sé an moun ki ka obéyi Bondyé an tout bagay, èk ki toujou ka fè sa ki dwèt, èk ki toujou ka palé lavéwité-a mannyè i yé an tjèʼy.

Liv Bon Nouvèl-la Jan Ékwi-a 1:16

Paski i té ni tèlman lagwas, i benni nou tout. I ban nou bennédiksyon yonn asou lòt.

2 Kòrint 4:17

Tout sé ti twakasman sala la pou an ti tan tousèl, épi yo ka pwépawé nou pou an lonnè ki twòp pli ho pasé tout twaka nou.

Galécha 2:14

Lè mwen wè yo pa té ka maché menm kon konmisyon Bon Nouvèl-la konsèné Jézi Kwi di, mwen di Pita douvan yo tout, “Ou sé on Jwif mé ou té ka fè menm kon on moun ki pa Jwif. Ki mannyè atjwèlman ou vlé fòsé sé fwè-a ki pa Jwif-la viv kon Jwif?”

Samz 84:9

Bondyé, gadé wa-a ki ka pwotèkté nou-an. Sé li ki wa-a ou ja chwazi-a.

2 Kòrint 3:18

Épi sé nou ki ka wéfléchi klèté Senyè-a, paski fidji nou pa kouvè. Lèspwi Senyè-a ka chanjé nou pou fè nou vini pli an pli kon li, kon klèté-a ki andidan nou-an ka vini pli gwan jou an jou.

Liv Bon Nouvèl-la Jan Ékwi-a 1:9

Klèté sala sé bon klèté-a ki vini asou latè-a èk sé li ki ka kléwé tout moun.