Samz 37:5 - Tèstèman nèf-la: Épi an posyòn an liv samz-la

⁵ Mété laviʼw an lanmen Bondyé Senyè-a. Mété konfyans ou an li èk i kay édéʼw.

Samz 37:5 Referans Kwoze

1 Pita 5:7

Tout bagay ou ni ki ka baʼw mal tèt, météʼy an lanmen Jézi, paski i ka gadé apwéʼw.

Mafyou 6:25

“Sé pou sa mwen ka diʼw, pa twakasé lidéʼw pou manjé ében bwè pouʼw viv, ében had pouʼw mété. Mwen ka asiwéʼw, laviʼw pli enpòtan pasé manjé, épi kòʼw pli enpòtan pasé had-la ou ka mété-a. Si Bondyé ja baʼw sé bagay-la ki pli enpòtan-an, ès i pa kay baʼw sé pli piti-a ou bizwen-an tou?

Jémz 4:15

Okontwè, mi sa ou sipozé di: “Si Bondyé vlé, nou kay viv èk nou kay fè si ében sa.”

Samz 22:8

Yo ka di mwen, “Ou mété tout konfyans ou an Bondyé Senyè-a, en i pa ka délivwéʼw atjwèlman? Si ou ka plè Bondyé kon sa, pouki i pa ka délivwéʼw?”

Louk 12:22

Kon sa Jézi di sé disip-la, “Pa katjilé asou manjé-a ou bizwen pou viv-la ében asou had-la ou bizwen pou kouvè kòʼw.