Samz 32:6 - Tèstèman nèf-la: Épi an posyòn an liv samz-la

⁶ Kon sa, sé pou tout sé moun ou-an ki ka adowéʼw-la pwédyé lè yo bizwenʼw. Lè twaka ka vini anlè yo menm kon an lawivyè gwo, i pa kay wivé anlè yo.

Samz 32:6 Referans Kwoze

2 Kòrint 6:2

Kon Bondyé ka di an lévanjil-la, “Lè lè-a vini pou mwen té sa fè zòt an favè, mwen kouté sa zòt té ka di-a. Lè jou-a wivé pou mwen té sové zòt, mwen édé zòt.” Mwen ka di zòt, apwézan sé lè-a Bondyé ka moutwé favè. Apwézan sé jou salvasyon.

Liv Bon Nouvèl-la Jan Ékwi-a 7:34

Zòt kay chaché mwen, mé zòt pa kay jwenn mwen, paski zòt pa sa alé koté mwen kay yé-a.”

Samz 42:7

Lanmè-a ka woulé, yon lanm ka kwiyé lòt-la. Twaka ka kouvè mwen menm kon lanm ka sòti an lanmè-a.

Titòs 2:12

Bondyé ja moutwé nou lagwas li ankò lè i di nou pou kité sé vyé lavi-a ki pa ka plèʼy-la épi sé vyé bagay-la sé moun-an ki an latè-a ka fè-a, èk pou nou viv lavi nou adan an mannyè pou moutwé nou ka kondwi kò nou byen, èk pou nou viv an lavi ki dwèt épi an lavi ki ka plè Bondyé an latè sala.

2 Kòrint 1:4

Bondyé ka konsolé nou an tout twakasman nou. Épi kon i ka konsolé nou-an, nou sa konsolé lézòt an népòt twaka yo pé ni. Nou ka konsolé yo menm kon Bondyé ja konsolé nou.

1 Timòfi 1:16

Épi sé pou menm wézon sala Bondyé té ni konpasyon asou mwen. Kon sa an mwen menm, ki pli mové an sé péchè-a, Jézi Kwi pé moutwé tout pasyans li, kon an ègzanp bay tout sa ki kay kwè an li épi wisivwè lavi étonnèl.

Samz 91:7

Yon mil moun pé mò asou fasad gòch ou, épi dis mil pé tonbé asou fasad dwèt ou, mé sé malè sala pa kay tonbé anlèʼw.