Samz 22:16 - Tèstèman nèf-la: Épi an posyòn an liv samz-la

¹⁶ La ni an gany nonm méchan tout oliwon mwen. Yo fè won mwen menm kon chyen mawon. Yo mòdé lanmen mwen èk pyé mwen.

Samz 22:16 Referans Kwoze

Liv Bon Nouvèl-la Jan Ékwi-a 19:37

La ni an lòt koté an lévanjil-la ki di, “Moun kay gadé moun-an yo té pèsé-a.”

Mafyou 27:35

Apwé yo kwisifyéʼy, sé sòlda-a jwé gwenndé anpami kò yo menm pou yo té sépawé sé had-la i té ni-an.

Liv Bon Nouvèl-la Jan Ékwi-a 20:25

Kon sa sé lézòt disip-la diʼy, “Nou ja wè Senyè-a!” Tonmas di yo, “Tout tan mwen pa wè mak klou-a an lanmenʼy èk fouyé dwèt mwen an twou-a bò kòt li, mwen pa kay kwè sé li.”

Liv Bon Nouvèl-la Jan Ékwi-a 19:23

Lè sé sòlda-a fini kwisifyé Jézi, yo pwan had li èk yo sépawéʼy an kat, yonn bay chak sòlda. Yo pwan gòl li-a ki té fèt èk yon sèl mòso twèl-la. I té sòti dépi an kou-a wivé an pyé-a èk i pa té ni pyès koté i koud.

Liv Bon Nouvèl-la Mak Ékwi-a 15:24

Apwé sa yo kwisifyéʼy. Épi pou yo té sa sépawé had li, yo jwé gwenndé pou yo wè kilès mòso yonn a lòt té kay jwenn.

Liv Bon Nouvèl-la Jan Ékwi-a 19:34

Mé yonn an sé sòlda-a pitjé bò kòt Jézi èk on pitjèt fè. Menm lè-a san èk dlo vidé sòti.

Louk 23:33

Lè yo wivé an plas-la yo ka kwiyé ‘Kalòt Tèt-la,’ yo klouwé Jézi anlè kwa-a la épi sé dé kwiminèl-la, yonn anlè koté dwèt li èk lòt-la anlè koté gòch li.

Filipay 3:2

Sé pouʼw véyé kòʼw épi sé moun-an ki ka fè sé mové bagay-la. Yo menm kon chyen. Yo vlé sikonsayz zòt paski yo kwè lè yo fè sa, ou kay vini dwèt douvan Bondyé.

Louk 23:23

Mé yo kontiné ka andjélé pli fò èk tout vwa yo, ka di, “Klouwéʼy anlè kwa-a.” Èk yo jwenn sa yo té vlé-a paski yo andjélé otan fò.

Samz 22:20

Délivwé mwen pou yo pa tjwé mwen èk sab-la. Délivwé lavi mwen anba sé chyen sala.

Samz 22:1

Bondyé mwen, Bondyé mwen, pouki ou ja tounen doʼw anlè mwen? Pouki ou wèsté lwen mwen kon sa lè mwen té ka pléwé pouʼw vini édé mwen?

Liv Bon Nouvèl-la Jan Ékwi-a 20:27

Lè sala i di Tonmas, “Fouyé dwèt ou bò kòt mwen, èk gadé lanmen mwen. Mwen pa vléʼw ni doutans an tjèʼw ankò, mé mwen vléʼw kwè.”

Wévélasyon 22:15

Mé sé mové moun-an ki kon chyen-an, èk sé tjenbwatè-a, èk moun ki ka kouwi vyé lavi, èk moun ki ka tjwé moun, èk moun ki ka adowé imaj, èk moun ki ka manti èk ki enmen manti tout lè, tout moun ki ka fè sé bagay sala kay ni pou wèsté dèwò vil-la.

Mafyou 26:57

Sé moun-an ki té awété Jézi-a mennenʼy lakay Kayafas, pli ho chèf pwèt-la, koté sé titja lwa sé Jwif-la épi sé ofisyé Jwif-la té asanblé ansanm.

Mafyou 7:6

“Pa pwan bagay ki pou Bondyé yonn épi bay moun ki pa ka apwésyéʼy. I menm kon si ou jété bagay ki vo valè douvan kochon épi chyen. Yo kay annèk piléʼy anba pat yo èk yo kay tounen viwé èk mòdéʼw.”