Samz 2:1 - Tèstèman nèf-la: Épi an posyòn an liv samz-la

¹ Pouki sé nasyon latè-a ka fè plan pou yo lévé kont Bondyé? Pouki sé moun-an ka fè konplo ki pa kay vo yo anyen?

Samz 2:1 Referans Kwoze

Wévélasyon 17:14

Yo kay fè ladjè kont Ti Mouton Bondyé-a, mé Ti Mouton-an èk sé moun li-an kay genyen yo paski sé li ki Wa tout wa èk Mèt tout mèt. Sé moun li-an sé moun i té kwiyé, moun i té chwazi, èk moun ki toujou ka kwè an li.”

Samz 46:6

Sé nasyon-an ka fè kwi afòs yo pè, gouvèdman yo ka tonbé. Bondyé palé kon an kout loway èk latè-a fonn.

Mafyou 21:38

“Mé lè sé nonm-lan ki té ka lwé jaden-an wè gason-an ka vini, yo di bay yonn a lòt, ‘Mi, gason mèt tè-a! Vini! Annou tjwéʼy épi tè-a kay wèsté pou nou!’

Twavay 5:33

Lè sé manm konsèy-la tann sa, yo té faché tèlman yo té vlé tjwé sé zapòt-la.

Louk 18:32

Mwen kay tonbé anba pouvwa lanmen moun lòt nasyon, yo kay pwan mwen sèvi papicho, yo kay ensilté mwen èk kwaché anlè mwen.

Twavay 16:22

Épi tout sé moun-an lévé kont Pòl épi Saylas, épi sé majèstwa-a déchiwé tout had ki té anlè Pòl épi Saylas, épi yo konmandé sòlda yo pou bat yo épi baton.

Louk 22:5

Yo té byen plè, èvèk yo ofè pou péyéʼy lajan.

Samz 46:7

Bondyé Senyè-a ki ni tout pouvwa-a la épi nou. Sé Bondyé Jakòb-la ki ka pwotèkté nou.