Samz 19:9 - Tèstèman nèf-la: Épi an posyòn an liv samz-la

⁹ I bon pou moun adowé Bondyé Senyè-a èk wèspé. Yo kay kontiné adowéʼy pou tout tan. Jijman Bondyé Senyè-a dwèt, yo pa ni pwéféwans.

Samz 19:9 Referans Kwoze

Wévélasyon 15:3

Yo té ka chanté chanté Moziz, sèvant Bondyé-a, ansanm épi chanté Ti Mouton-an. Chanté-a té ka di: “Sé ou Bondyé ki Senyè nou, sé ou ki ni tout pouvwa. Twavay ou gwan an chay. Yo ka fè moun wèsté bouch gwan ouvè. Ou sé wa tout nasyon ki an latè-a. Twavay ou dwèt èk yo sé lavéwité.

Wévélasyon 19:2

Sé li ki toujou ka palé lavéwité-a. I ka jijé dwèt, san pwéféwans. I ja jijé gwo fanm vyé lavi-a ki té ka gaté tout latè-a èk vyé lavi-a i té ka kouwi-a. Bondyé ja ba li pinisyon-an i té méwité-a paski i té tjwé sé sèvant li-a.”

Wévélasyon 16:7

Lè sala mwen tann an vwa ki sòti bò lotèl Bondyé-a. Vwa-a di, “Wi, sa vwé. Sé ou Bondyé ki Senyè nou, sé ou ki ni tout pouvwa. Sé ou ki toujou ka palé lavéwité-a, èk ou ka jijé dwèt, san pwéféwans.”

Ronm 2:2

Nou sav lè Bondyé ka jijé sé moun-an ki ka fè sé bagay sala, i ka jijé dwèt.

Ronm 11:22

Mwen vlé zòt gadé mizi tjè fèb Bondyé ni épi mannyè i ka jijé wèd. I ka jijé sé sa ki ka fè mové-a byen wèd, mé i ni tjè fèb pou zòt, sa sé si zòt kontiné ka viv mannyè-a ki kay fèʼy ni tjè fèb pou zòt-la. Si pa sa i kay tiwé zòt an jwé-a osi.

Twavay 10:22

Sé nonm-lan wéponn, “Sé Chèf Kòniliyòs ki voyé nou. I sé an bon nonm épi i ka swiv wilizyon sé Jwif-la, épi tout sé Jwif-la ka wèspèktéʼy an chay. On nanj Bondyé di Kòniliyòs pou envitéʼw lakay li pouʼy tann sa ou ni pou di.”