Samz 19:12 - Tèstèman nèf-la: Épi an posyòn an liv samz-la

¹² Ki mannyè mwen kay fè konnèt tout sé lèwè-a ki ka séwé an tjè mwen-an? Senyè, lavé sé fòt-la mwen fè san mwen sav-la!

Samz 19:12 Referans Kwoze

Samz 90:8

Ou ja mété movèzté nou douvanʼw, jis sé péché-a nou ka fè an séwan-an ou mété koté pou wè.

1 Kòrint 4:4

Konsyans mwen klè, mé sa pa vlé di mwen inosan nètaman. I sé Senyè-a ki kay pasé jijman asou mwen.

1 Jan 1:7

Mé si nou ka maché an klèté menm kon i an klèté-a, sa vlé di nou ka viv byen épi yonn a lòt, épi san Jézi, Gason Bondyé, ja nétwayé tout péché sòti an lavi nou.

Hibrou 9:7

Mé sété pli ho chèf pwèt-la yonn ki té ka antwé an dézyenm chanm-lan, èk i té ka fè sa yon sèl fwa chak lanné. I té ka mennen san pou ofè bay Bondyé pou lapéti péchéʼy menm èk pou lapéti péché sé moun-an, péché yo fè an inyowans yo.

Samz 139:6

Mwen pa sa konpwann ki mannyè ou fè konnèt mwen byen kon sa, katjil ou twò ho pou mwen.

Samz 139:2

Ou konnèt lè mwen asid èk lè mwen lévé, byen lwen koté ou yé-a ou konnèt tout sa ki ka pasé an lidé mwen.

Samz 51:2

Lavé tout movèzté mwen byen, èk nétwayé tout péché mwen!