Samz 16:3 - Tèstèman nèf-la: Épi an posyòn an liv samz-la

³ Pli gwan plézi mwen sé pou mwen toujou la épi sé moun Bondyé-a ki an péyi-a. Sé yo ki méwité wèspé.

Samz 16:3 Referans Kwoze

Hibrou 6:10

Bondyé toujou ka fè sa ki dwèt. I pa kay obliyé sé twavay-la zòt fè-a, ni i pa kay obliyé mannyè zòt moutwé zòt enmenʼy lè zòt té ka édé sé moun li-an, èk mannyè zòt ka édé yo toujou.

Twavay 9:13

Mé Annannayas di, “Senyè, an chay moun ja di mwen mannyè nonm sala ja fè sé moun-an ki kwè an ou-a soufè an Jérouzalèm.

Titòs 3:8

Mwen asiwé sé pawòl sala vwé. Mwen vléʼw enstwi sé bagay sala èk konfyans, pou sé moun-an ki kwè an Bondyé-a sa toujou vlé bay tan yo pou fè sa ki bon. Sé bagay kon sa ki bon èk tout moun ka jwenn bennéfis.

Èfésòs 1:1

Mwen Pòl, ki an zapòt Jézi Kwi kon Bondyé té vlé, mwen ka ékwi lèt sala bay tout sé ich Bondyé-a ki ka wèsté Èfésòs-la, sé sa ki ka fè twavay Jézi Kwi épi tout tjè yo.

Galécha 6:10

Kon sa chak chans nou jwenn, nou sipozé fè bon bay tout moun, épi èspwèsman pou sé moun-an ki mété lafwa yo an Jézi Kwi menm kon nou-an. Nou tout sé menm kon on fanmi.

Samz 122:8

Pou lapéti fanmi mwen èk kanmawad mwen, mwen ka mandé Bondyé pou voyé lapé anlè Jérouzalèm.