Samz 103:1 - Tèstèman nèf-la: Épi an posyòn an liv samz-la

¹ Kité mwen glowifyé Bondyé Senyè-a èk tout lam mwen! Sé pou tout sa mwen ni andidan mwen glowifyé non Senyè-a ki pa ni pyès fòt-la.

Samz 103:1 Referans Kwoze

Liv Bon Nouvèl-la Jan Ékwi-a 4:24

Bondyé sé lèspwi i yé, èk sé Lèspwi Bondyé ki ka édé moun adowé Bondyé kon Bondyé yé pou vwé.”

1 Kòrint 14:15

Si sé kon sa i yé, ki sa mwen sipozé fè? Mwen kay pwédyé an lèspwi mwen, mé mwen kay pwédyé osi an lidé mwen; mwen kay chanté an lèspwi mwen, mé mwen kay chanté osi an lidé mwen.

Samz 103:22

Sé pou tout sa Bondyé Senyè-a fè glowifyéʼy toupatou koté i ka kondwi. Kité mwen glowifyé Bondyé Senyè-a èk tout lam mwen.

Kòlòsé 3:16

Kité konmisyon Jézi-a ki bon tout bon-an viv kon an wichès an tjè zòt. Kon zòt ka enstwi épi vèti yonn a lòt, sé pou zòt moutwé lasajès an tout mannyè. Chanté an sé Samz-la épi tout lòt chanté moun fè pou yo sa adowé Bondyé, épi sé chanté-a Lèspwi Bondyé bay zòt-la. Chanté épi adowé Bondyé épi tout tjè zòt.

Samz 63:5

Lam mwen kay satisfè, menm kon an moun ki manjé adan an gwan fèt. Mwen kay chanté èk tjè kontan pou glowifyéʼw.

Filipay 1:9

Mi sa mwen ka mandé Bondyé baʼw: Mwen ka pwédyé pou lanmityé-a ou ni pou yonn a lòt-la pwofité plis an plis, èk menm lè-a pouʼw sa konnèt sa ki lavéwité èk pouʼw sa ni bon jijman an tout bagay

Wévélasyon 4:8

Chak sé bèt sala té ni sis zèl épi yo té ni zyé asou tout kò yo épi yo té ka chanté san doubout òswè kon lajouné. Yo té ka chanté: “Sé Bondyé Senyè-a ki gwan wa-a, sé li ki ni tout pouvwa. I dwèt, i san fòt, èk i anho tout bagay. I té vivan dépi avan anyen té fèt, i vivan atjwèlman, épi i kay viwé asou latè-a ankò.”

Samz 104:1

Kité mwen glowifyé Bondyé Senyè-a èk tout lam mwen! Bondyé Senyè mwen, pa dé gwan pouvwaʼw gwan! Ou abiyé èk lonnè èk pouvwa,