Ronm 8:36 - Tèstèman nèf-la: Épi an posyòn an liv samz-la

³⁶ Kon lévanjil-la di, “Bondyé, pou lapétiʼw nou ka wè lanmò toulé jou. Moun ka twété nou menm kon mouton yo ka mennen adan an hal pou tjwé.”

Ronm 8:36 Referans Kwoze

1 Kòrint 15:30

Épi pou nou menm, pouki pou nou mété kò nou an danjé tout lè kon sa?

1 Kòrint 4:9

Mwen ni lidé Bondyé ban nou ki sé zapòt li-a pozisyon-an ki pli ba an légliz-la, menm kon moun yo ja kondanné pou mò an piblik pou tout moun oliwon latè-a épi tout nanj wè.

Twavay 8:32

Koté i té ka li an lévanjil-la sété koté-a ki di: “Menm kon on mouton yo mennen labatwa pou tjwé, épi menm kon lè yo ka koupé pwèl on ti mouton, i pa di on ti mo.

Twavay 20:24

Lavi mwen pa vo anyen pou mwen, mé sa ki enpòtan-an sé fini mwen vlé fini twavay-la Senyè Jézi ban mwen fè-a pou mwen di moun Bon Nouvèl-la konsèné lagwas Bondyé lè i té voyé Jézi Kwi.

Liv Bon Nouvèl-la Jan Ékwi-a 16:2

Yo kay kouwi dèyè zòt an sé légliz sé Jwif-la, épi lè-a ka vini lè népòt moun ki tjwé zòt kay kwè sé twavay Bondyé i ka fè.

1 Kòrint 15:31

Fwè èk sè, mwen ka wè lanmò toulé jou. Mwen ka déklawé sa menm kon mwen ka déklawé mannyè zòt ja lévé né mwen kon nou manché an Jézi Kwi Senyè-a.

2 Kòrint 1:9

Pou byen diʼw, an tjè nou menm nou santi akwèdi nou té ja kondanné pou mò. Mé sa té fèt pou moutwé nou an lison kon sa nou pa ni pou dépan asou kò nou, mé nou sipozé dépan asou Bondyé-a ki ka wésisité sa ki ja mò-a.

2 Kòrint 6:9

Nou kon nonm pyèsonn pa sav si yo ka viv, mé a menm lè-a ich Bondyé konnèt nou. Moun kwè nou ja ka mò, mé wannman nou byen vivan. Nou soufè an chay mé nou pa mò.

2 Kòrint 11:23

Ès si yo sé sèvant Jézi? I sanm mwen ka palé kon an nonm fou, mé mwen ka fè sèvis Jézi pli pasé yo. Mwen ja twavay pli wèd épi mwen ja alé lajòl pli fwa pasé yo. Yo ja bat mwen épi fwèt pli pasé yo. Mwen ja mantjé mò pli fwa.

Filipay 3:10

Tout sa mwen vlé apwézan sé pou konnèt Jézi èk pou mwen sav pouvwaʼy ka twavay an mwen, menm pouvwa-a ki té fèʼy wésisité-a. Mwen vlé pou mwen sa soufè menm kon li, èk pou mò menm kon li tou.