Ronm 3:10 - Tèstèman nèf-la: Épi an posyòn an liv samz-la

¹⁰ Kon i ékwi an lévanjil, “La pa ni pyèsonn ki ka viv dwèt, pa menm yonn.

Ronm 3:10 Referans Kwoze

Ronm 3:23

paski tout moun ja péché, épi pyèsonn pa bon asé pou fè Bondyé aksèptéʼy.

Mafyou 15:19

Paski vyé lidé ki ka sòti andidan tjèʼy ka fèʼy tjwé moun, ka fèʼy fè adiltè, ka fèʼy kouwi vyé lavi, ka fèʼy vòlè, ka fèʼy manti an lodyans kont an lòt moun, épi i ka fèʼy palé moun mal.

Titòs 3:3

An tan ki pasé nou menm té kouyon menm kon sé moun-an ki pa kwè an Bondyé-a. Nou té dézobéyisan, èk nou té menm kon moun ki pèd chimen. Nou té ka kité lachè nou épi tout vyé plézi latè-a kondwi nou. Nou té ka viv èk vyé katjil an lidé nou èk nou té anvyèj. Moun té hayi nou épi nou té hayi yo.

Liv Bon Nouvèl-la Mak Ékwi-a 10:18

Jézi wéponn li, “Pouki ou ka di mwen bon? Apa di Bondyé, pyèsonn pa bon.

1 Pita 1:16

Kon lévanjil-la di, “Zòt sipozé sépawé kò zòt hòd movèzté menm kon mwen Bondyé sépawé hòd movèzté.”

Ronm 3:4

Awa! Sa Bondyé di toujou vwé menm si tout moun sé an mantè. Kon lévanjil-la di, “Dépi ou menm Bondyé palé, tout moun kay wè nètaman sa ou di-a sé lavéwité, épi népòt lè ou fè défans kòʼw, ou kay moutwé moun sa ou fè-a dwèt.”

Wévélasyon 22:15

Mé sé mové moun-an ki kon chyen-an, èk sé tjenbwatè-a, èk moun ki ka kouwi vyé lavi, èk moun ki ka tjwé moun, èk moun ki ka adowé imaj, èk moun ki ka manti èk ki enmen manti tout lè, tout moun ki ka fè sé bagay sala kay ni pou wèsté dèwò vil-la.

Wévélasyon 21:8

Mé sé moun-an ki kwapon-an, moun ki tounen kont mwen, moun ki ka fè mové, moun ki ka tjwé moun, moun ki ka kouwi vyé lavi, moun ki ka fè tjenbwa, moun ki ka adowé imaj èk tout moun ki ka manti, yo tout kay ni plas yo an létan difé-a koté ki ni souf ka bwilé pou tout tan. Sa sé dézyenm lanmò-a.”

Ronm 11:8

Kon i ékwi an lévanjil-la, “Bondyé fè yo toudi — yo ni zyé mé yo pa ka wè klè, yo ni zòwèy mé yo pa ka tann, jik an jou kon jòdi-a.”

Ronm 3:11

La pa ni pyèsonn ki ka konpwann. La pa ni pyèsonn ki ka gadé pou Bondyé.