Ronm 14:11 - Tèstèman nèf-la: Épi an posyòn an liv samz-la

¹¹ Mi kon sa i ékwi an lévanjil-la, “Mwen Senyè-a ja déklawé, menm kon mwen ka viv-la, sé kon sa tout moun kay ajounou douvan mwen, épi yo tout kay wè aklè mwen sé Bondyé.”

Ronm 14:11 Referans Kwoze

Ronm 10:9

Paski si ou tèstifyé épi bouch ou Jézi sé Senyè-a, épi ou kwè an tjèʼw Bondyé wésisitéʼy hòd lanmò, ou kay sové.

1 Jan 4:15

Pyèsonn ki dakò kon sa Jézi Kwi sé Gason Bondyé, Bondyé ka wèsté an tjè moun sala épi moun sala ka wèsté manché an Bondyé.

Ronm 15:9

Épi sa fè sé lézòt nasyon-an glowifyé Bondyé paski i ni an chay konpasyon. Mi kon sa i ékwi an lévanjil-la, “Mwen kay baʼw lonnè anpami sé lézòt nasyon-an. Mwen kay chanté baʼw.”

Mafyou 10:32

“Si an moun di an piblik i sé disip mwen, mwen kay di menm bagay-la ba li douvan Papa mwen ki an syèl.

Wévélasyon 5:14

Lè yo fin chanté sa, kat bèt vivan-an di, “Amèn. Kitéʼy fèt kon sa!” Vennkat gwan nonm-lan menm tonbé ajounou èk yo bésé tèt yo atè épi yo adowé moun-an ki asid anlè gwan chèz wa-a épi Ti Mouton-an.

2 Jan 1:7

Bon, an chay kwennad ja alé an latè-a, sa sé nonm ki di Jézi Kwi pa janmen vini an lachè-a. An moun kon sa sé an kwennad épi i sé lèlmi Jézi.