Ronm 12:9 - Tèstèman nèf-la: Épi an posyòn an liv samz-la

⁹ Lanmityé pa ni pyès ipokwit adanʼy. Hayi tout movèzté, tjenbé fò sa ki bon.

Ronm 12:9 Referans Kwoze

Samz 34:14

Tounen kont movèzté èk fè sa ki bon. Fè kon zòt pé pou viv an lapé èk tout moun.

1 Pita 4:8

Mé sa ki pli enpòtan pasé lòt bagay-la sé pou ou ni lanmityé pou yonn a lòt èk tout tjèʼw, paski lanmityé ka kouvè an latilyé péché.

1 Timòfi 1:5

Sa nou ka ankouwajé sé pou zòt enmen yonn a lòt, épi sèl mannyè on moun sa fè sa sé si i ni an tjè ki nèt, an bon konsyans épi lafwa ki onnèt.

1 Pita 1:22

Zòt ja nétwayé lam zòt paski zòt obéyi lavéwité-a, épi zòt ja moutwé zòt ni an chay lanmityé bay sé fwè èk sè-a, kon sa toujou ni lanmityé sala pou yonn a lòt épi tout tjè zòt.

1 Tèsalonnika 5:21

Ègzanminé tout sé konmisyon-an byen. Tjenbé sa ki bon

Hibrou 12:14

Fè kon zòt pé pou viv an lapé èk tout moun, èk pou viv an lavi ki san fòt, paski pyèsonn pa kay wè Senyè-a si i pa viv kon sa.

2 Kòrint 8:8

Mwen pa ka konmandé zòt pou fè sa. Sa mwen vlé fè-a byen senp. Mwen vlé gadé mizi bon lanmityé-a zòt ni-an bon. Pou mwen fè sa, mwen kay ni pou gadéʼy vizavi lanmityé-a lézòt ja moutwé-a.

1 Tèsalonnika 5:15

Sé pouʼw véyé pou pyèsonn pa wann an moun mal pou mal, mé sé pouʼw toujou fè bon bay yonn a lòt èk bay tout moun.

2 Kòrint 6:6

Mannyè nou viv lavi nèt épi nou ni lakonpwann, mannyè nou pwan pasyans épi nou édé lézòt, mannyè Lèspwi Bondyé ka twavay andidan nou épi mannyè lanmityé-a nou ni-an ka sòti an tjè nou — tout sé bagay sala ka moutwé nètaman nou sé sèvant Bondyé.

Hibrou 1:9

Ou enmen wè moun fè sa ki dwèt èk ou hayi wè moun fè sa ki pa bon. Sé pou wézon sala Bondyé ki Bondyéʼw-la ja chwaziʼw. I baʼw pli tjè kontan èk on plas ki pli ho pasé sa i bay sé kanmawad ou-a.”

1 Tèsalonnika 2:3

Sa nou ka diʼw-la sé pa manti nou ka manti ni nou pa ka diʼw sa épi an vyé lidé an tèt nou ni nou pa ka éséyé kwennenʼw,

Twavay 11:23

Lè i wivé la épi i wè mannyè Bondyé té ni lagwas pou sé moun-an, i té kontan an chay épi i ankouwajé sé moun-an, i di yo pou swiv Senyè-a byen épi toujou obéyiʼy.

Liv Bon Nouvèl-la Jan Ékwi-a 12:6

Sé pa té paski i té mélé èk sé maléwé-a ki fèʼy di sa, mé paski i sété an vòlè. Sé li ki té ka tjenbé sak lajan-an èk i té ni labitid ka pwan adanʼy tanzantan.

Samz 45:7

Ou enmen sa ki dwèt épi ou hayi sa ki mové. Sé pou sa Bondyé ki Bondyéʼw-la ja chwaziʼw épi i ja baʼw tjè kontan pasé pyès lòt wa.

Mafyou 26:49

Lè Jida wivé, i alé dwèt koté Jézi épi i diʼy, “Bonswè, Mèt,” épi i boʼy.

Jémz 3:17

Mé moun ki ni lasajès-la ki sòti an syèl-la, pwèmyéman yo ka viv an lavi ki nèt, yo ni lapé, yo dous èk yo ni bon mannyè. Yo toujou ni konpasyon èk yo ka fè tout kalité bon bagay. Yo pa ka ni pwéféwans èk yo pa ipokwit.