Ronm 11:26 - Tèstèman nèf-la: Épi an posyòn an liv samz-la

²⁶ Épi sé kon sa nasyon Izwayèl-la kay sové. Kon Bondyé di an lévanjil-la, “Sovè-a kay sòti an Vil Bondyé-a épi i kay tiwé tout movèzté an désandan Jakòb.

Ronm 11:26 Referans Kwoze

Samz 14:7

Pa dé anvi mwen anvi wè Bondyé sòti Zayonn pou vin sové sé moun li-an. Sé désandan Jakòb-la kay wéjwi, sé jan Izwayèl-la kay kontan lè Bondyé Senyè-a kay fè yo viwé doubout asou dé pyé yo ankò, pou yo vini an nasyon ki fò.

Twavay 3:26

Kon sa Bondyé chwazi Jézi kon sèvant li, épi i voyéʼy bay zòt sé Jwif-la pwèmyé pouʼy té sa benni zòt épi pouʼy té sa fè zòt tout kité vyé chimen-an zòt té pwan-an.”

Titòs 2:14

Jézi Kwi mò pou nou pou chapé nou anba tout movèzté, èk i nétwayé tjè nou pouʼy fè nou vini an konpanni moun ki sa li yonn, èk ki toujou pawé pou fè sa ki bon.

Mafyou 1:21

Mari kay fè an ti gason, ou kay bay nonʼy Jézi, paski sa vlé di Bondyé kay sové sé moun li-an hòd péché yo.”