Liv Bon Nouvèl-la Mak Ékwi-a 1:1 - Tèstèman nèf-la: Épi an posyòn an liv samz-la

¹ Sa sé koumansman Bon Nouvèl-la konsèné Jézi Kwi, Gason Bondyé.

Liv Bon Nouvèl-la Mak Ékwi-a 1:1 Referans Kwoze

Liv Bon Nouvèl-la Jan Ékwi-a 20:31

Mé mwen ékwi sé bagay sala pouʼw kwè sé Jézi ki Mèsaya-a, Gason Bondyé. Lè ou mété lafwaʼw an li, ou kay ni lavi.

Mafyou 17:5

Paditan i té ka palé, on nwaj ki té ka kléwé an chay kouvè yo épi yo tann an vwa palé an nwaj-la, i di, “Sa sé Gason mwen. Pa dé enmen mwen enmenʼy, épi mwen byen plè épiʼy. Sé pou zòt koutéʼy!”

Mafyou 4:3

Épi Denmou vini, i diʼy, “Ou sé Gason Bondyé, kouman. Ében, fè sé wòch sala tounen pen.”

Mafyou 14:33

épi sé disip-la adowé Jézi épi yo di, “Ou sé Gason Bondyé pou vwé!”

Mafyou 3:17

Épi an vwa an syèl-la di, “Sa sé Gason mwen. Pa dé enmen mwen enmenʼy, épi mwen byen plè épiʼy.”

Ronm 8:3

Sa lwa-a pa té sa fè paski i té fèb an lachè-a, sé menm sa Bondyé ja fè. Bondyé voyé Gasonʼy menm, ki té ni lachè menm kon lachè nou ki sé péchè, pou i té sa doubout pouvwa péché pou bon. Bondyé détwi pouvwa péché

Liv Bon Nouvèl-la Jan Ékwi-a 1:14

Pawòl-la tounen an moun èk i viv anpami nou. I té plen lagwas èk i moutwé nou ki moun Bondyé yé pou vwé. Nou wè pouvwaʼy, sété pouvwa-a Papa-a té bay sèl Gasonʼy-lan.

Liv Bon Nouvèl-la Jan Ékwi-a 6:69

Apwézan nou kwè, èk nou sav sé ou ki moun-an Bondyé voyé-a, moun-an ki ka viv ba li yonn-an.”

Liv Bon Nouvèl-la Jan Ékwi-a 3:16

Bondyé té tèlman enmen sé jan latè-a, i bay sèl Gasonʼy-lan pou yo. Tout moun ki kwè an li pa kay pèd lavi yo, mé yo kay ni lavi étonnèl.

Liv Bon Nouvèl-la Jan Ékwi-a 1:49

Natannyèl diʼy, “Titja, ou sé Gason Bondyé! Sé ou ki wa Izwayèl!”

Liv Bon Nouvèl-la Jan Ékwi-a 1:34

Jan Batis di, “Mwen wè sa fèt èk mwen ka diʼw sé li ki Gason Bondyé-a.”

Louk 1:35

Nanj-lan wéponn li, “Lèspwi Bondyé kay vini anlèʼw, èk pouvwa Bondyé kay kouvèʼw kon yon lonbwaj. Ou kay twapé kòʼw gwo bouden, épi ti manmay-la ou kay fè-a kay Gason Bondyé. I kay pawfé san pyès péché.

Samz 2:7

Wa-a di, “Mwen kay fè zòt konnèt ki sa Bondyé Senyè-a di mwen. I di mwen, ‘Ou sé gason mwen, dépi jòdi-a mwen vini papaʼw.

Ronm 8:32

Si Bondyé pa té tjenn Gasonʼy menm dèyè, mé ofèʼy kon an sakwifis ban nou tout, ès si ou pa kwè osi i kay ban nou tout lòt bagay nou bizwen?

Twavay 1:22

dépi tan-an Jan Batis té ka pwéché pou moun wisivwè batenm-lan pou jis tan Jézi kité nou pou mouté an syèl.”

Twavay 13:24

Avan Jézi té koumansé twavay li, Jan Batis té ka pwéché bay tout sé jan Izwayèl-la. I té ka di yo tounen hòd péché yo épi wisivwè batenm.