Mafyou 13:3 - Tèstèman nèf-la: Épi an posyòn an liv samz-la

³ I di yo an chay bagay an pawabòl. I di yo kon sa, “La té ni an nonm ki té ay planté gwenn an jadenʼy.

Mafyou 13:3 Referans Kwoze

Liv Bon Nouvèl-la Mak Ékwi-a 4:13

Épi Jézi di yo, “Ou vlé di zòt pa konpwann pawabòl sala? Ki mannyè zòt kay konpwann pyès pawabòl?

Liv Bon Nouvèl-la Mak Ékwi-a 4:33

Épi kon Jézi pwéché konmisyonʼy-lan bay sé moun-an, i sèvi an chay lézòt pawabòl kon sé sala. Épi i di yo menm kantité yo té sa konpwann.

Mafyou 13:53

Lè Jézi fini di yo sé pawabòl sala, i kité plas-la koté i té yé-a

Liv Bon Nouvèl-la Mak Ékwi-a 12:12

Kon sa sé chèf sé Jwif-la éséyé pou awété Jézi paski yo sav pawabòl sala té kont yo. Mé paski yo té pè sé moun-an, yo kitéʼy épi yo alé fè chimen yo.

Liv Bon Nouvèl-la Jan Ékwi-a 16:25

“Mwen palé bay zòt an pawabòl pou di zòt sé bagay sala, mé lè-a ka vini lè mwen pa kay sèvi pawabòl ankò. Mwen kay di zòt tout bagay aklè konsèné Papa-a.

Louk 12:41

Pita mandéʼy, “Senyè, ès ou ka di pawabòl sala ban nou ében bay tout moun?”

Louk 8:10

I wéponn yo, “Bondyé baʼw abilité-a pou ou sa konnèt sa sé pawabòl sala vlé di. Yo ka èspliké ki mannyè Bondyé ka kondwi ich li. Mé sé lézòt sé moun-an kay gadé mé yo pa kay konpwann sa yo ka wè-a, yo kay kouté sé pawòl sala èk yo pa kay konpwann, menm kon sé pwòfèt-la té di.

Liv Bon Nouvèl-la Mak Ékwi-a 12:1

Jézi koumansé ka palé bay sé moun-an an pawabòl. I di, “An nonm planté an jaden wézen. I mété pak tout oliwonʼy, i bati on kay pou fè diven-an épi i fè an ti kay ki té byen ho pou i sa véyé pou jibyé épi lòt zannimo ki ka vini manjé an jaden-an. Lè i fini, i lwé jaden-an bay moun ki té vlé épi i kité lakay li épi i alé an lòt péyi.

Liv Bon Nouvèl-la Mak Ékwi-a 3:23

Épi Jézi di sé moun-an vini, épi i palé ba yo an pawabòl. I di kon sa, “Ki mannyè Satan sa kouwi dèyè Satan?

Mafyou 24:32

“Kité pyé fwi-a moutwéʼw an lison. Lè ou wèʼy koumansé boujonnen épi i koumansé voyé fèy, ou sav kawenm-lan ka pwan.

Mafyou 22:1

Jézi palé bay sé moun-an an pawabòl ankò.

Mafyou 13:4

Kon i ka simen sé gwenn-an, adan tonbé an chimen-an, épi jibyé vini épi yo manjé sé gwenn-an.