Louk 9:47 - Tèstèman nèf-la: Épi an posyòn an liv samz-la

⁴⁷ Jézi sav ki sa yo té ka katjilé, kon sa i pwan yon ti manmay èk i météʼy doubout bòʼy.

Louk 9:47 Referans Kwoze

Liv Bon Nouvèl-la Jan Ékwi-a 16:30

Nou sav ou konnèt tout bagay. Ou konnèt wépons kwèsyon-an ki an lidé an moun dépi avan i mandéʼy. Sé sa ki fè nou kwè ou sòti koté Bondyé pou vwé.”

Samz 139:23

Ègzanminé mwen, Bondyé, èk konnèt tjè mwen! Chaché an lidé mwen èk konnèt sa ki andidanʼy.

Wévélasyon 2:23

Mwen kay tjwé tout ich li. Lè mwen fè sa, tout sé moun Bondyé-a ki an sé légliz-la kay sav sé mwen ki konnèt sa ki an lidé tout moun èk sa ki an tjè yo, èk mwen kay bay chak moun sa yo méwité pou sé bagay-la yo fè-a.

Hibrou 4:13

Pyèsonn pa sa séwé anyen pou Bondyé pa wè. I ka wè tout bagay i fè aklè, san anyen kouvè yo. Èk nou tout kay ni pou di Bondyé pouki nou fè sé bagay-la nou fè-a.

Louk 5:22

Jézi té sav ki sa yo té ka katjilé, èk i di yo, “Pouki zòt ka katjilé sé bagay sala?

Mafyou 9:4

Mé Jézi té konnèt lidé yo épi i di, “Pouki zòt ka katjilé mové bagay kon sa?

Samz 139:2

Ou konnèt lè mwen asid èk lè mwen lévé, byen lwen koté ou yé-a ou konnèt tout sa ki ka pasé an lidé mwen.

1 Kòrint 14:20

Fwè épi sè, doubout katjilé kon manmay. Zòt sipozé wèsté lwen movèzté kon manmay, mé an menm di tan-an zòt sipozé katjilé kon gwan moun.

Liv Bon Nouvèl-la Jan Ékwi-a 21:17

Jézi mandéʼy pou twazyenm kou-a, “Simon gason Jan, ès ou enmen mwen?” Sa té fè Pita lapenn paski i té mandéʼy sa pou twa kou. Kon sa i di Jézi, “Senyè, ou konnèt tout bagay, ou sav mwen enmenʼw.” Jézi diʼy, “Ében swen sé mouton mwen-an.

Liv Bon Nouvèl-la Jan Ékwi-a 2:25

Jézi pa té bizwen pyèsonn pou diʼy anyen asou pyèsonn, paski i sav sa ki té an lidé chak moun.

Mafyou 12:15

Lè Jézi sav sa, i kité plas-la koté i té yé-a, èk an gwan latilyé moun swiv li. I djéwi tout moun ki té malad anpami yo,