Louk 12:40 - Tèstèman nèf-la: Épi an posyòn an liv samz-la

⁴⁰ Èk zòt osi, pwépawé zòt pou wisivwè mwen, paski mwen, Gason Lézòm, kay vini lè ou pa kay èspéyé.”

Louk 12:40 Referans Kwoze

1 Tèsalonnika 5:6

Kon sa nou pa sipozé dòmi menm kon lézòt moun ki pa konnèt Bondyé, mé véyé kòʼw èk tjenbé tèt ou an plas.

Wévélasyon 19:7

Annou fè fèt, annou fè tjè nou kontan, épi annou lévé nonʼy, paski tan-an ja vini pou Ti Mouton-an mayé. Fi-a i kay mayé-a ja pwépawé kòʼy pou yo mayé.

Ronm 13:11

Sé pa sa tousèl. Zòt sav tan-an ka apwoché asou nou. I ja lè pou zòt lévé an sonmèy-la zòt yé-a, paski jou salvasyon nou pli pwé apwézan pasé lè-a nou té aksèpté Jézi Kwi-a.

Mafyou 25:13

Lè Jézi fini di yo pawabòl-la, i di yo, “Véyé, paski ou pa konnèt ki jou ében ki nèditan Gason Lézòm-lan kay vini.

Ronm 13:14

Pito sa kité abiman zòt sé Jézi Kwi Senyè-a, épi pa bay lachè-a pyès chans asou zòt avan zòt fè sa lachè-a vlé zòt fè.

Mafyou 24:44

Sé kon sa ou ni pou toujou pawé paski Gason Lézòm-lan kay vini an nèditan-an ou pa ka èspéyé-a.

Mafyou 24:42

“Sé pouʼw véyé, paski ou pa sav ki jou mèt ou kay vini.