Liv Bon Nouvèl-la Jan Ékwi-a 8:24 - Tèstèman nèf-la: Épi an posyòn an liv samz-la

²⁴ Sé pou sa mwen di zòt, zòt kay mò an péché zòt. Wi, zòt kay mò an péché zòt si zòt pa kwè sé mwen ki moun-an mwen yé-a.”

Liv Bon Nouvèl-la Jan Ékwi-a 8:24 Referans Kwoze

Liv Bon Nouvèl-la Jan Ékwi-a 3:36

Moun-an ki kwè an Gason-an ni lavi étonnèl. Moun-an ki dézobéyi Gason-an pa kay janmen ni lavi sala. Bondyé kay kontiné piniʼy.”

Liv Bon Nouvèl-la Jan Ékwi-a 3:18

Moun-an ki ka kwè an Gason-an pa ka jwenn kondannasyon, mé moun-an ki pa ka kwè-a ja kondanné dépi atjwèlman, paski i pa mété lafwaʼy an sèl Gason Bondyé-a.

Liv Bon Nouvèl-la Mak Ékwi-a 16:16

Népòt-la ki kwè Bon Nouvèl-la épi i batizé kay jwenn lavi étonnèl, mé sé sa ki pa kwè Bon Nouvèl-la kay jwenn kondannasyon.

Hibrou 12:25

Kon sa, pwan pokosyon èk pa wifizé kouté lè Bondyé ka palé. Si sé jan Izwayèl-la pa té chapé lè yo té wifizé kouté moun-an ki té bay konmisyon Bondyé asou latè-a, nou menm pa bizwen kwè nou kay chapé si nou pa kouté moun-an ki ka palé an syèl-la!

Liv Bon Nouvèl-la Jan Ékwi-a 13:19

Mwen ka di zòt sa apwézan avan i fèt. Kon sa lè i kay fèt, zòt kay kwè sé mwen ki moun-an mwen yé-a.

Liv Bon Nouvèl-la Jan Ékwi-a 4:26

Jézi diʼy, “Mwen ki ka palé épiʼw la-a, sé mwen ki li.”

Hibrou 2:3

Kon sa ki mannyè nou menm kay fè chapé si nou tounen do nou asou salvasyon sala ki tèlman gwan? Pwèmyé moun ki té palé konsèné salvasyon sala sété Senyè-a menm, èk moun ki té tann li té moutwé nou aklè i sété lavéwité.

Liv Bon Nouvèl-la Jan Ékwi-a 8:21

Jézi di yo ankò, “Mwen kay alé èk zòt kay chaché mwen, mé zòt kay mò an péché zòt. Zòt pa sa alé koté mwen ka alé-a.”

Twavay 4:12

Sé li yonn ki sa sové moun. Bondyé pa bay non pyès lòt moun an latè-a ki sa sové nou.”

Liv Bon Nouvèl-la Mak Ékwi-a 13:6

paski an chay moun kay vini sèvi non mwen épi yo kay di sé yo ki Mèsaya-a, wa-a Bondyé té pwonmèt pou voyé-a, épi yo kay kwennen an chay moun.

Louk 21:8

Jézi di, “Pwan gad. Pa kité moun kwennen zòt. Paski an chay moun kay vini èk di yo sé Mèsaya-a, yo kay di, ‘Tan-an ja wivé,’ mé pa swiv yo.

Mafyou 24:5

paski an chay moun kay vini sèvi non mwen épi yo kay di, ‘Sé mwen ki Mèsaya-a, wa-a Bondyé té pwonmèt pou voyé-a’ épi yo kay kwennen an chay moun.

Liv Bon Nouvèl-la Jan Ékwi-a 8:25

Yo diʼy, “Ki moun ou yé?” Jézi di yo, “Mwen di zòt dépi an koumansman-an.

Liv Bon Nouvèl-la Jan Ékwi-a 8:28

Kon sa i di yo, “Lè zòt kay lévé Gason Lézòm-lan asou an kwa, sé lè sala zòt kay sav sé mwen ki moun-an mwen yé-a, èk zòt kay sav mwen pa ka fè anyen pa kò mwen menm. Mwen ka di sa Papa mwen vlé mwen di tousèl.

Liv Bon Nouvèl-la Jan Ékwi-a 8:58

Jézi di yo, “Mwen ka di zòt lavéwité-a, avan Abrahanm té fèt, mwen té ja la.”