Liv Bon Nouvèl-la Jan Ékwi-a 5:23 - Tèstèman nèf-la: Épi an posyòn an liv samz-la

²³ Kon sa tout moun sa onnowé Gason-an menm kon yo ka onnowé Papa-a. Népòt moun ki pa ka onnowé Gason-an pa ka onnowé Papa-a ki voyéʼy-la.

Liv Bon Nouvèl-la Jan Ékwi-a 5:23 Referans Kwoze

1 Jan 2:23

Pyèsonn ki widjèkté Gason-an pa sa viv épi Papa-a. Moun-an ki aksèpté Gason-an ka viv épi Papa-a osi.

Louk 10:16

Jézi di sé disip li-a, “Sa ki obéyiʼw obéyi mwen, sa ki widjèktéʼw widjèkté mwen, èk sa ki widjèkté mwen widjèkté moun-an ki voyé mwen-an.”

2 Jan 1:9

Moun-an ki apwann tèlman-an kon sa i pa menm wèsté an sé bagay-la Jézi Kwi enstwi-a pa ka viv épi Bondyé. Moun-an ki wèsté an sé bagay-la Jézi Kwi enstwi-a ka viv ni épi Papa-a èk Gason-an.

Mafyou 11:27

Jézi di sé moun-an, “Papa mwen ja ban mwen tout bagay. Pyèsonn pa konnèt Gason-an antiwan Papa-a, épi pyèsonn pa konnèt Papa-a antiwan Gason-an èk moun Gason-an vlé fè konnèt Papa-a.

Hibrou 1:6

Mé lè Bondyé té pawé pou voyé pwèmyé Gasonʼy-lan an latè-a, i di: “Sé pou tout nanj mwen adowéʼy.”

Èfésòs 6:24

Mwen ka mandé Bondyé pou bay zòt tout lagwas osi. Zòt tout sé sa ki ni lanmityé ki pa ka fini pyès-la pou Jézi Kwi Senyè nou-an.

2 Pita 3:18

Sé pou zòt kontiné ka viv an lagwas épi lakonpwann-an Senyè épi Sovè nou Jézi Kwi ka bay-la. Annou ba li tout lonnè ni apwézan épi pou tout tan. Ensiswatil.

Ronm 8:9

Kanmenm, kon sé Lèspwi Bondyé ki ka viv an zòt pou vwé-a, zòt pa ka viv an lachè-a, mé sé an Lèspwi-a zòt ka viv. Si ou pa ni Lèspwi Jézi ka viv andidanʼw, ou sé pa sa Jézi.

1 Kòrint 10:31

Ében, népòt bagay ou fè, menm si sé manjé ében bwè, fèʼy adan an mannyè ki kay bay Bondyé lonnè.

Ronm 6:22

Mé apwézan Bondyé ja libéwéʼw anba péché épi i ja fèʼw vini èslav li, èk bennéfis-la ou ka jwenn-an sé an lavi ki nèt, épi tout sé bagay sala kay mennen lavi étonnèl.

Liv Bon Nouvèl-la Jan Ékwi-a 16:14

I kay lévé non mwen, paski i kay di zòt pawòl i tann mwen di.

1 Kòrint 6:19

Zòt sipozé sav kon sa kò zòt sé kay Lèspwi Bondyé-a ki ka viv andidan zòt-la, sa Bondyé ja bay zòt-la. Kò-a ou ni-an sé pa sa ou menm.

Mafyou 12:21

épi yo mété lafwa yo an li.”

2 Timòfi 1:12

épi sé pou wézon sala mwen ka soufè sé bagay sala. Mé mwen ni an chay konfyans toujou, paski mwen konnèt Bondyé-a mwen ka kwè adan-an. Mwen ja mété tout bagay an lanmenʼy épi mwen asiwé i kay tjenn sé bagay sala byen jik asou jou jijman-an.

2 Kòrint 5:19

Sa vlé di, Bondyé té kay sèvi Jézi pou i fè jan épi tout moun. I pa ka konté péché yo kont non yo, épi i ja ban nou twavay-la pou nou sa alé pwéché konmisyonʼy-lan konsèné lapé-a.

2 Kòrint 1:9

Pou byen diʼw, an tjè nou menm nou santi akwèdi nou té ja kondanné pou mò. Mé sa té fèt pou moutwé nou an lison kon sa nou pa ni pou dépan asou kò nou, mé nou sipozé dépan asou Bondyé-a ki ka wésisité sa ki ja mò-a.

1 Kòrint 1:3

Mwen ka mandé Bondyé Papa nou épi Jézi Kwi Senyè pou bay zòt lagwas épi lapé.

Liv Bon Nouvèl-la Jan Ékwi-a 14:1

Jézi di yo, “Pa kité tjè zòt twakasé. Sé pou zòt kwè an Bondyé, èk sé pou zòt kwè an mwen tou.

Mafyou 10:37

“Népòt moun ki enmen papaʼy ében manmanʼy plis pasé mwen pa vo pou sé disip mwen, épi népòt moun ki enmen fiʼy ében gasonʼy plis pasé mwen pa vo pou sé disip mwen.

Samz 2:12

Sé pou zòt abésé kò zòt douvanʼy. Si pa sa, zòt kay fèʼy faché èk zòt kay mò sibit, paski adan an ti mouman i sa moutwé mannyè i faché. Pa dé bon i bon pou tout moun ki chaché pwotèksyon an li.

2 Kòrint 5:14

I sé lanmityé-a Jézi ni pou nou-an ki ka kondwi nou. Paski si nou asiwé yon nonm mò pou tout moun, ében, sa vlé di nou tout ja mò.

1 Kòrint 16:22

Si an moun pa enmen Jézi, moun sala ni malédisyon. Marannafa — Sa vlé di, “Senyè nou, vini.”

Ronm 15:12

Épi Izaya di ankò an lévanjil-la, “An désandan Jèsi kay vini. Bondyé kay lévéʼy pou i sa kondwi sé lézòt nasyon-an, épi yo kay mété èspwa yo an li.”

Ronm 1:7

Épi sé kon sa mwen ka ékwi zòt tout an vil Ronm, zòt Bondyé kontan an chay-la épi i ja kwiyé pou vini moun li menm-lan. Mwen ka mandé Bondyé Papa nou épi Jézi Kwi Senyè pou bay zòt lagwas épi lapé.

Liv Bon Nouvèl-la Jan Ékwi-a 17:10

Tout sa mwen ni sé sa ou, èk tout sa ou ni sé sa mwen, èk moun kay wè pouvwa mwen an sé nonm sala.

Mafyou 28:19

Kon sa alé toupatou épi pwéché bay sé moun-an pou yo sa vini disip mwen, épi batizé yo an non Papa-a, an non Gason-an épi an non Lèspwi Bondyé,

2 Pita 1:1

Sé mwen Simon Pita, ki sé an sèvant épi zapòt Jézi Kwi, ki ka ékwi lèt sala bay sé sa ki ja wisivwè an lafwa ki menm kon sa nou ni-an. Épi nou twouvé lafwa sala paski Jézi Kwi, ki sé Bondyé nou épi sovè nou, bon an chay, épi i ka fè tout bagay dwèt.

Mafyou 15:8

‘Bondyé di, sé moun sala ka onnowé mwen épi bouch yo, mé yo pa vlé fè sa mwen ka di yo.