Liv Bon Nouvèl-la Jan Ékwi-a 4:53 - Tèstèman nèf-la: Épi an posyòn an liv samz-la

⁵³ Lè sala papa-a chonjé sété bò menm lè sala Jézi té diʼy, “Gasonʼw-lan kay vini byen.” Kon sa li èk tout fanmiʼy vini kwè an Jézi.

Liv Bon Nouvèl-la Jan Ékwi-a 4:53 Referans Kwoze

Louk 19:9

Jézi di, “Bondyé ja sové nonm sala èk fanmiʼy jòdi-a. Sé kon sa pou i yé, paski nonm sala sé désandan Abrahanm osi.

Twavay 18:8

Krispòs, ki té chèf légliz-la, kwè an Senyè-a, li épi tout moun ki té lakay li. An chay lézòt moun an Kòrint tann konmisyon Pòl épi yo kwè épi yo té wisivwè batenm.

Twavay 16:34

I mennen yo mouté lakay li épi i ba yo manjé, épi li épi fanmiʼy té kontan an chay paski apwézan yo té kwè an Bondyé.

Twavay 11:14

Épi i kay diʼw pawòl ki pou sovéʼw épi tout fanmiʼw.’

Twavay 16:15

Lidya épi tout moun ki té ka wèsté lakay li wisivwè batenm. Apwé sa, i envité nou vini lakay li, i di, “Vini wèsté lakay mwen si ou kwè mwen mété lafwa mwen an Jézi pou vwé.” Sé kon sa i fè nou wèsté lakay li.

Twavay 2:39

Paski pwonmèt sala Bondyé té fè-a sé pou ou épi pou ich ou épi pou lòt moun ki lwen, pou tout sa Bondyé Senyè-a kay kwiyé pou vin jwenn li.”

Mafyou 8:13

Jézi di ofisyé-a, “Paski ou kwè mwen sa djéwi sèvant ou-a si mwen annèk di pawòl-la, alé épi mwen kay fèʼy baʼw.” Épi sèvant-lan té djéwi menm lè Jézi di sa-a.

Samz 33:9

Lè i palé, latè-a té fèt. Èk lè i konmandé, tout bagay pawèt.

Liv Bon Nouvèl-la Jan Ékwi-a 4:52

I mandé yo, “Ki lè ti gason-an vini byen?” Yo diʼy, “I té bò yonnè yè apwémidi lè lafyèv-la tonbé.”

Liv Bon Nouvèl-la Jan Ékwi-a 4:51

Lè i wivé asou chimen, sé sèvant li-a vini jwenn li épi bon nouvèl. Yo diʼy, “Gasonʼw-lan ka vini byen.”