Liv Bon Nouvèl-la Jan Ékwi-a 16:17 - Tèstèman nèf-la: Épi an posyòn an liv samz-la

^17-18 Adan sé disip li-a di anpami kò yo, “Ki sa sa vlé di? I di nou adan an ti mouman ankò, nou pa kay wèʼy. Èk adan an ti mouman ankò, nou kay wèʼy. Èk i di ankò sé paski i ka alé koté Papaʼy. Ki sa i vlé di lè i di ‘adan an ti mouman ankò?’ Nou pa sav konsèné ki sa i ka palé-a.”

Liv Bon Nouvèl-la Jan Ékwi-a 16:17 Referans Kwoze

Liv Bon Nouvèl-la Jan Ékwi-a 16:16

“Adan an ti mouman, zòt pa kay wè mwen ankò èk adan an ti mouman ankò, zòt kay wè mwen.”

Liv Bon Nouvèl-la Jan Ékwi-a 16:5

“Mé atjwèlman kon mwen ka alé jwenn moun-an ki té voyé mwen-an, zòt pyès pa mandé mwen koté mwen ka alé.

Liv Bon Nouvèl-la Mak Ékwi-a 9:32

Sé disip-la pa té konpwann sa i di-a, mé yo té pè pou mandéʼy.

Liv Bon Nouvèl-la Jan Ékwi-a 16:19

Jézi sav yo té vlé mandéʼy an kwèsyon, kon sa i di yo, “Ès zòt ka palé anpami kò zòt paski mwen di, ‘Adan an ti mouman ankò zòt pa kay wè mwen, èk adan an ti mouman ankò, zòt kay wè mwen?’ Ès sé kwèsyon sala yonn ka mandé lòt-la?

Liv Bon Nouvèl-la Jan Ékwi-a 14:5

Tonmas di, “Senyè, nou pa menm sav koté ou ka alé! Ki mannyè nou kay fè konnèt chimen-an pou alé la?”

Liv Bon Nouvèl-la Jan Ékwi-a 12:16

Sé disip li-a pʼòkò té konpwann sa an tan sala. Mé lè Jézi vin mouté an syèl, yo vin konpwann sa lévanjil-la té di konsènéʼy èk yo chonjé sa yo té fè ba li.

Louk 18:34

Mé sé disip-la pa té sa konpwann anyen an sé bagay sala paski syans sé pawòl-la té séwé hòd yo, èk yo pa té sav konsèné ki sa Jézi té ka palé-a.

Liv Bon Nouvèl-la Mak Ékwi-a 9:10

Yo tjenn zafè sala anpami yo sèlman, épi yo té ka wézonnen anpami yo ki sa ‘wésisité’ yé.

Liv Bon Nouvèl-la Jan Ékwi-a 16:1

“Mwen ja di zòt tout sé bagay sala pou zòt pa sipwi lè sé bagay sala kay fèt, pou zòt pa tiwé lafwa zòt an mwen.

Liv Bon Nouvèl-la Jan Ékwi-a 14:22

Jida mandéʼy an kwèsyon (mé sé pa té Jida Iskariyòt), i di, “Senyè, ki mannyè ou kay fè moutwé nou ki moun ou yé èk sé jan latè-a pa kay wè ki moun ou yé?”

Louk 9:45

Mé sé disip-la pa té sav ki sa i té ka di yo-a. Sa sété yon sigwé pou yo, kon sa yo pa té sa konpwann li èk yo té pè mandé ki sa sa vlé di.