Liv Bon Nouvèl-la Jan Ékwi-a 14:10 - Tèstèman nèf-la: Épi an posyòn an liv samz-la

¹⁰ Ou pa kwè mwen lè mwen di, mwen an Papa-a èk Papa-a an mwen? Sé pa mwen menm ki di sé pawòl-la mwen ja di zòt-la. Sé Papa-a ki manché épi mwen-an ki ja fè twavay li.

Liv Bon Nouvèl-la Jan Ékwi-a 14:10 Referans Kwoze

Liv Bon Nouvèl-la Jan Ékwi-a 5:19

Kon sa Jézi wéponn yo, i di, “Mwen ka di zòt lavéwité-a, Gason-an pa sa fè anyen pa kòʼy menm. Sa i wè Papa-a fè, sé sa i ka fè tou. Sa Papa-a fè sé sa Gason-an ka fè.

Liv Bon Nouvèl-la Jan Ékwi-a 10:38

Mé si mwen ka fè sé bagay-la Papa mwen vlé mwen fè-a, zòt sipozé kwè an twavay-la mwen ka fè-a, menm si zòt pa kwè mwen. Lè sala zòt kay sav mwen èk Papa mwen sé yonn.”

Twavay 10:38

Ou chonjé ki mannyè Bondyé té chwazi Jézi nonm Nazawèt-la, épi i fè Lèspwi Bondyé désann asouʼy épi i té ba li pouvwa. Jézi té ka pasé toupatou, i té ka fè bonté épi i té ka djéwi tout moun ki té anba kondwit Denmou, paski Bondyé té épiʼy.

Liv Bon Nouvèl-la Jan Ékwi-a 12:49

Sa sé lavéwité, paski mwen pa palé pa kò mwen menm, mé Papa-a ki voyé mwen-an ja konmandé mwen ègzaktiman ki sa pou mwen di.

Liv Bon Nouvèl-la Jan Ékwi-a 10:30

Mwen èk Papa mwen sé yonn.”

Liv Bon Nouvèl-la Jan Ékwi-a 8:28

Kon sa i di yo, “Lè zòt kay lévé Gason Lézòm-lan asou an kwa, sé lè sala zòt kay sav sé mwen ki moun-an mwen yé-a, èk zòt kay sav mwen pa ka fè anyen pa kò mwen menm. Mwen ka di sa Papa mwen vlé mwen di tousèl.

Kòlòsé 2:9

Jézi sé Bondyé pou vwé, épi a menm lè-a i ni an kò menm kon nou.

Liv Bon Nouvèl-la Jan Ékwi-a 17:8

Mwen ba yo konmisyon-an ou té ban mwen-an èk yo wisivwèʼy. Yo sav sé koté ou yé-a mwen sòti èk yo kwè sé ou ki voyé mwen pou vwé.

Liv Bon Nouvèl-la Jan Ékwi-a 5:17

Jézi wéponn yo, i di, “Papa mwen toujou ka twavay, èk mwen menm ni pou twavay tou.”

1 Jan 5:7

La ni twa ki tèstifyé sa:

2 Kòrint 5:19

Sa vlé di, Bondyé té kay sèvi Jézi pou i fè jan épi tout moun. I pa ka konté péché yo kont non yo, épi i ja ban nou twavay-la pou nou sa alé pwéché konmisyonʼy-lan konsèné lapé-a.

Liv Bon Nouvèl-la Jan Ékwi-a 8:38

Mwen ka palé asou sa Papa mwen ja moutwé mwen, mé zòt menm ka fè sa papa zòt di zòt fè.”

Kòlòsé 1:19

Paski i té plè Papa-a pou Gason-an té Bondyé an tout mannyè menm kon li.

Liv Bon Nouvèl-la Jan Ékwi-a 14:20

Lè jou sala kay vini, zòt kay sav ki mwen an Papa mwen èk zòt an mwen èk mwen an zòt.

Liv Bon Nouvèl-la Jan Ékwi-a 7:16

Jézi wéponn, i di, “Sé bagay-la mwen ka enstwi-a sé pa pawòl mwen menm, mé sé Bondyé ki ban mwen sé pawòl sala pou mwen di paski sé li ki voyé mwen.

Liv Bon Nouvèl-la Jan Ékwi-a 8:40

Sèl sa mwen ja fè sété di zòt lavéwité-a ki sòti an bouch Bondyé-a, mé zòt ka chaché mannyè pou tjwé mwen pou sa. Abrahanm pa té fè anyen kon sa.

Liv Bon Nouvèl-la Jan Ékwi-a 11:26

Moun-an ki ka viv èk ki ka kwè an mwen-an pa kay janmen mò. Ou kwè sa mwen di-a?”

Liv Bon Nouvèl-la Jan Ékwi-a 3:2

Yon jou òswè i alé koté Jézi, i diʼy, “Rabay, nou sav ou sé on titja Bondyé voyé. Pyèsonn pa sa fè sé miwak sala ou ka fè-a si Bondyé pa épiʼy.”

Liv Bon Nouvèl-la Jan Ékwi-a 14:11

Sé pouʼw kwè mwen lè mwen di, mwen an Papa-a èk Papa-a an mwen. Mé si ou pa kwè sa mwen ka di-a toujou, sé pouʼw kwè mwen pou lapéti sé miwak-la mwen ka fè-a.

Liv Bon Nouvèl-la Jan Ékwi-a 14:24

Pyèsonn ki pa enmen mwen pa ka obéyi sa mwen ka di-a. Épi sé bagay-la zòt tann mwen di-a, yo pa sòti an mwen, mé an Papa mwen ki voyé mwen.