Liv Bon Nouvèl-la Jan Ékwi-a 1:43 - Tèstèman nèf-la: Épi an posyòn an liv samz-la

⁴³ An li denmen, Jézi té fè lidé pou alé Galili. Jézi jwenn Filip èk i diʼy, “Swiv mwen!”

Liv Bon Nouvèl-la Jan Ékwi-a 1:43 Referans Kwoze

Liv Bon Nouvèl-la Jan Ékwi-a 14:8

Filip diʼy, “Senyè, moutwé nou Papa-a èk nou pa bizwen anyen ankò.”

Mafyou 9:9

Lè Jézi kité koté i té yé-a, i wè an nonm yo té ka kwiyé Mafyou ki té asid adan an ti òfis ka anmasé taks. Jézi diʼy, “Vin swiv mwen,” épi menm lè-a Mafyou lévé épi i swiv li.

Liv Bon Nouvèl-la Jan Ékwi-a 12:21

Yo alé koté Filip, ki té sòti Bèfsayda an péyi Galili, èk yo diʼy, “Misyé, nou vlé palé èk Jézi.”

1 Jan 4:19

Nou ni lanmityé apwézan paski Bondyé té ni lanmityé pou nou avan.

Liv Bon Nouvèl-la Jan Ékwi-a 6:5

Jézi gadé oliwonʼy èk i wè an gwan latilyé moun té ka vini koté i té yé-a. Kon sa i mandé Filip, “Koté nou kay achté asé pen pou nou bay tout sé moun sala manjé?”

Filipay 3:12

Sa pa vlé di mwen ja fini wivé an bout-la. Mwen pʼòkò wivé kalité moun-an Bondyé vlé mwen wivé-a. Mé mwen ka fè fòs kò mwen pou vini moun-an Jézi Kwi té vlé mwen vini-an lè i chwazi mwen.

Liv Bon Nouvèl-la Jan Ékwi-a 1:28

Tout sé bagay sala pwan kou an Bèfanni bò Lawivyè Jouden-an koté Jan Batis té ka batizé-a, asou fasad sòlèy lévan.

Louk 19:10

Paski mwen, Gason Lézòm, vini gadé pou moun ki pèd èk pou sové yo.”

Mafyou 10:3

La té ni Filip épi Batolonmi, Tonmas épi Mafyou, nonm-lan ki té ka anmasé taks-la. La té ni Jémz, gason Alfiyòs-la, épi Tadiyòs.

Liv Bon Nouvèl-la Jan Ékwi-a 6:7

Filip wéponn, i diʼy, “Pou tout moun ki isi-a jwenn an ti tjò pen pou yo manjé, i kay pwan lajan ywit mwa twavay an nonm pou sa achté asé pen.”

Liv Bon Nouvèl-la Jan Ékwi-a 1:35

An li denmen ankò, Jan Batis té doubout la èk dé an sé disip li-a.

Mafyou 4:12

Lè Jézi tann yo té mété Jan Batis an pwizon, i witounen Galili,

Mafyou 8:22

Mé Jézi diʼy, “Swiv mwen épi kité sé mò-a téwé mò yo.”

Liv Bon Nouvèl-la Jan Ékwi-a 1:29

An li denmen, Jan Batis wè Jézi ka vini koté i té yé-a. I di, “Mi Ti Mouton Bondyé-a. Sé li Bondyé voyé pou tiwé péché an latè-a!

Liv Bon Nouvèl-la Jan Ékwi-a 1:44

Filip té sòti Bèfsayda, vil-la koté Androu èk Pita té ka wèsté-a.

Liv Bon Nouvèl-la Jan Ékwi-a 2:11

Jézi fè pwèmyé miwak sala an vil Kéna an Galili. Jézi moutwé pouvwaʼy la, èk sé disip-la ki té épiʼy-la vin kwè an li.

Liv Bon Nouvèl-la Jan Ékwi-a 1:37

Dé disip li-a tann lè i di sa èk yo pati èk Jézi.