Liv Bon Nouvèl-la Jan Ékwi-a 1:14 - Tèstèman nèf-la: Épi an posyòn an liv samz-la

¹⁴ Pawòl-la tounen an moun èk i viv anpami nou. I té plen lagwas èk i moutwé nou ki moun Bondyé yé pou vwé. Nou wè pouvwaʼy, sété pouvwa-a Papa-a té bay sèl Gasonʼy-lan.

Liv Bon Nouvèl-la Jan Ékwi-a 1:14 Referans Kwoze

1 Jan 4:9

Mi kon sa Bondyé moutwé lanmityéʼy anpami nou: I voyé sèl Gasonʼy-lan adan latè sala kon sa i pé ban nou lavi étonnèl.

1 Timòfi 3:16

Sé lésisyon-an ki an wilizyon nou-an si tèlman gwan, nou pa sa janmen di yo pa vwé. Jézi vini an lachè-a kon yon nonm. Lèspwi-a fè nou wè tout sa Jézi té ka di-a sété lavéwité. Sé nanj-lan wèʼy. Moun pwéché Bon Nouvèl-la konsèné Jézi Kwi anpami sé nasyon-an. Sé an li moun toupatou mété konfyans yo. Apwé sa, Jézi mouté an syèl.

Liv Bon Nouvèl-la Jan Ékwi-a 1:1

Avan anyen té fèt, Pawòl-la té ja la. Pawòl-la té la épi Bondyé, èk Pawòl-la sété Bondyé.

Galécha 4:4

Mé lè tan-an Bondyé té mété-a wivé, i voyé Gasonʼy. I sòti an bouden an manman, i viv anba lwa sé Jwif-la

Hibrou 1:3

An li nou ka wè klèté Bondyé, èk lè nou wè Gason-an, sé Bondyé menm nou wè. I ka tjenbé tout bagay ansanm èk pouvwa pawòl li. Lè i fini nétwayé péché lézòm, i asid an syèl asou lanmen dwèt Bondyé, gwan wa-a.

Liv Bon Nouvèl-la Jan Ékwi-a 6:51

Sé mwen ki pen lavi-a, ki désann sòti an syèl-la. Si pyèsonn manjé pen sala, i kay viv pou tout tan. Pen sala mwen kay ba li manjé-a sé lachè mwen. Mwen ka bay lachè mwen pou sé jan latè-a sa jwenn lavi étonnèl.”

Kòlòsé 1:19

Paski i té plè Papa-a pou Gason-an té Bondyé an tout mannyè menm kon li.

1 Kòrint 15:47

Pwèmyé Adanm-lan fèt épi tè épi i sòti an latè-a; dézyenm Adanm-lan sòti an syèl.

Ronm 8:3

Sa lwa-a pa té sa fè paski i té fèb an lachè-a, sé menm sa Bondyé ja fè. Bondyé voyé Gasonʼy menm, ki té ni lachè menm kon lachè nou ki sé péchè, pou i té sa doubout pouvwa péché pou bon. Bondyé détwi pouvwa péché

Samz 2:7

Wa-a di, “Mwen kay fè zòt konnèt ki sa Bondyé Senyè-a di mwen. I di mwen, ‘Ou sé gason mwen, dépi jòdi-a mwen vini papaʼw.

1 Jan 4:14

Épi nou ja wè épi nou ka tèstifyé kon sa Papa-a voyé Gasonʼy pou sové latè-a.

Kòlòsé 2:9

Jézi sé Bondyé pou vwé, épi a menm lè-a i ni an kò menm kon nou.

2 Jan 1:7

Bon, an chay kwennad ja alé an latè-a, sa sé nonm ki di Jézi Kwi pa janmen vini an lachè-a. An moun kon sa sé an kwennad épi i sé lèlmi Jézi.

Wévélasyon 21:3

Mwen tann an vwa ki sòti koté gwan chèz wa-a yé-a. Vwa-a palé fò, i di “Gadé, Bondyé ja vini viv anpami lézòm. I kay viv épi yo èk yo kay vini moun li. Bondyé menm kay wèsté anpami yo épi i kay Bondyé yo.

Hibrou 5:5

Menm mannyè-a, sé pa té Jézi ki té onnowé kòʼy èk mété kòʼy adan pozisyon an pli ho chèf pwèt. Mé Bondyé menm onnowéʼy lè i di: “Ou sé Gason mwen, dépi jòdi-a mwen ka fè moun sav mwen sé Papaʼw.”

Hibrou 10:5

Sé pou wézon sala lè Jézi Kwi té pawé pou vini an latè-a, i di Bondyé: “Ou pa vlé sakwifis èk kado, mé ou ja pwépawé yon kò ban mwen.

Liv Bon Nouvèl-la Jan Ékwi-a 11:40

Jézi diʼy, “Ès mwen pa té ja diʼw ou kay wè pouvwa Bondyé si ou kwè?”

Liv Bon Nouvèl-la Jan Ékwi-a 3:16

Bondyé té tèlman enmen sé jan latè-a, i bay sèl Gasonʼy-lan pou yo. Tout moun ki kwè an li pa kay pèd lavi yo, mé yo kay ni lavi étonnèl.

Liv Bon Nouvèl-la Jan Ékwi-a 2:11

Jézi fè pwèmyé miwak sala an vil Kéna an Galili. Jézi moutwé pouvwaʼy la, èk sé disip-la ki té épiʼy-la vin kwè an li.

Liv Bon Nouvèl-la Jan Ékwi-a 14:6

Jézi wéponn, i diʼy, “Sé mwen ki chimen-an, sé mwen ki lavéwité-a èk sé mwen ki lavi-a. Sé mwen ki sèl chimen pou alé jwenn Papa-a.

Hibrou 1:5

Sé pou wézon sala Bondyé pa janmen di pyès an sé nanj li-a: “Ou sé Gason mwen, jòdi-a mwen ka fè moun sav mwen sé Papaʼw.” Ni Bondyé pa janmen di konsèné pyès sé nanj li-a: “Mwen kay vini Papaʼy, èk i kay vini Gason mwen.”

Liv Bon Nouvèl-la Jan Ékwi-a 14:9

Jézi diʼy, “Filip, dépi tan sala mwen épi zòt-la, ou ka di ou pa konnèt mwen toujou? Népòt moun ki ja wè mwen ja wè Papa-a. Kon sa pouki ou ka di, ‘Moutwé nou Papa-a’?

Louk 9:32

Pita épi sé kanmawad li-a té ofon sonmèy, mé yo lévé èk yo wè Jézi an tout gwan klètéʼy épi dé nonm-lan doubout la épiʼy.

Liv Bon Nouvèl-la Jan Ékwi-a 17:22

Mwen ba yo menm pouvwa-a ou ban mwen-an, pou yo sa vini yonn, menm kon mwen épi ou sé yonn.

Liv Bon Nouvèl-la Jan Ékwi-a 3:18

Moun-an ki ka kwè an Gason-an pa ka jwenn kondannasyon, mé moun-an ki pa ka kwè-a ja kondanné dépi atjwèlman, paski i pa mété lafwaʼy an sèl Gason Bondyé-a.

Louk 2:11

Jòdi-a an vil-la koté Wa David té fèt-la an sovè fèt. I sé Mèsaya-a, wa-a Bondyé té pwonmèt pou voyé-a.

Samz 45:2

Sé ou ki pli bèl anpami tout nonm ki an latè-a. Bèl pawòl ka sòti an bouch ou. Bondyé ja benniʼw pou tout tan.

Hibrou 2:11

Sé li ki fè moun vini nèt. Ni li ni sé moun-an ki vini nèt-la ni menm Papa. Sé pou wézon sala Jézi pa hont pou kwiyé sé moun sala fwè.

2 Kòrint 12:9

Mé i di mwen, “Lagwas mwen sé tout ou bizwen. Épi lè an moun vini fèb, sé lè sala pouvwa mwen kay vini pli fò andidanʼy.” Épi apwézan mwen kay bavadé asou mizi fèb mwen fèb. Sa kay fè pouvwa Jézi ouvè tout zèl li an mwen.

Mafyou 1:16

Jakòb sété papa Jozèf. Jozèf sété mawi Mari, ki sété manman Jézi Kwi, wa-a Bondyé té pwonmèt pou voyé-a.

Kòlòsé 2:3

Sé Jézi ki fè moun konnèt lasajès Bondyé épi tout sa i vlé nou konpwann, ki menm kon an wichès ki té séwé.

Èfésòs 3:8

Magwé mwen pli ba pasé moun-an ki dènyé an sé ich Bondyé-a, mé sé mwen Bondyé bay pwivilaj-la pou pwéché bay sé nasyon-an ki pa Jwif-la Bon Nouvèl-la ki di, wichès Jézi ni tèlman valè nou pa sa menm fini katjilé asou sa.

Ronm 9:5

Sé gwan gwanpapa yo-a té moun ki wèspèkté Bondyé an chay, épi Jézi té menm désandan épi yo lè i té vini an latè-a. Sé Bondyé ki ka kondwi tout bagay. Annou toujou bay Bondyé lonnè. Ensiswatil.

Louk 2:7

Épi i akouché, i fè an tibway, sété pwèmyé ich li. Épi i voplé ti manmay-la adan twèl épi i météʼy kouché andidan yon bwèt yo ka mété zèb bay zannimo, andidan yon létjiwi, paski yo pa té jwenn an lòt plas pou yo té dòmi.

Twavay 13:33

I fè pwonmèt sala ban nou ki sé désandan yo lè i wésisité Jézi. Kon i di an dézyenm sam-lan: ‘Mwen sé Papaʼw. Jòdi-a mwen ka onnowéʼw kon Gason mwen.’

Liv Bon Nouvèl-la Jan Ékwi-a 8:32

Ou kay konnèt lavéwité-a, èk lavéwité sala kay fèʼw lib.”

Liv Bon Nouvèl-la Jan Ékwi-a 17:24

“Papa, sé ou ki ban mwen yo, èk mwen vlé yo la épi mwen koté mwen yé-a, pou yo sa wè pouvwa mwen. Ou ban mwen menm pouvwa sala, paski ou enmen mwen dépi avan latè-a té fèt.

Liv Bon Nouvèl-la Jan Ékwi-a 18:37

Kon sa Pilat mandéʼy, “Ében si sé sa, ou sé an wa?” Jézi wéponn, i di, “Ou ja byen palé. Mwen té vini an latè-a èk mwen fèt pou wézon sala, pou mwen sa palé konsèné lavéwité-a. Népòt moun ki enmen lavéwité-a ka kouté pawòl mwen.”

Wévélasyon 19:13

I té ni on had ki benyen an san anlèʼy èk yo té ka kwiyéʼy Pawòl Bondyé-a.