1 Timòfi 5:11 - Tèstèman nèf-la: Épi an posyòn an liv samz-la

¹¹ Mé si mawi on jenn madanm mò, pa bay madanm sala pozisyon adan légliz-la paski pli ta yo pitèt kay ni antansyon-an pou yo sa mayé ankò, épi kon sa yo kay tounen do yo asou twavay Jézi Kwi-a.

1 Timòfi 5:11 Referans Kwoze

1 Timòfi 5:14

Kon sa mwen kay pli simyé sé jenn-an viwé mayé pou yo sa ni ich épi pou yo sa gadé apwé kay yo. Mannyè sala lèlmi-an pa kay ni chans pou i sa di pyès vyé pawòl kont nou.

Jémz 5:5

Ou viv laviʼw an latè-a an plézi paski ou té sa achté sa ou vlé. Ou vini gwa menm kon an bèf yo fè vini gwa pou yo té tjwé.

Wévélasyon 18:7

I té wich èk i achté tout sa i té vlé. I té ka kwè i anho tout moun. Kon sa ba li soufwans èk lapenn pou menm otan wichès i ni. I ka di an tjèʼy: ‘Sé mwen ki wenn, èk mawi mwen pa mò. Mwen pa kay janmen ni lapenn!’

2 Pita 2:18

Yo ka bavadé an chay lè yo ka palé sé bétiz yo-a, épi yo ka tann zatwap bay sé moun-an ki pʼòkò menm byen fini chapé anba lanmen sé sa ki ka viv an lèwè-a, paski yo ka di sé malpwòpté-a ki an dézi lachè-a bon pou fè.

1 Timòfi 5:9

Pa bay pyès madanm mawiʼy ja mò pozisyon an légliz-la anba i ja pasé swasant lanné épi i té viv an lavi dwèt patan i té mayé-a.

1 Timòfi 4:3

Yo ka anpéché moun mayé épi yo ka konmandé yo pa pou manjé sèten manjé, mé sé Bondyé ki fè sé manjé sala bay moun ki ka kwè an li épi ki ja vini konnèt lavéwité, pou yo sa manjé apwé yo wimèsyéʼy an lapwiyè.

1 Timòfi 5:12

Mannyè sala yo kay kwiyé jijman asou kò yo, paski yo kasé pwèmyé pwonmèt-la yo té fè sèman pou tjenn-an.

Wévélasyon 18:3

Moun tout nasyon té ka viv vyé lavi épiʼy. Vyé lavi sala sé menm kon diven fò i té ba yo bwè. Sé wa latè-a té ka viv vyé lavi épi fanm vyé lavi-a yo té ka kwiyé Babilonn-an, èk sé machann-an té ka vini wich anlè tèt li paski i té vlé ni tout sa i wè.”

Wévélasyon 18:9

Sé wa latè-a ki té ka viv vyé lavi épiʼy-la èk ki té ka wisivwè wichès an lanmenʼy-lan kay wè lafimen difé-a ki ka bwiléʼy-la. Lè sala yo kay pléwé èk yo kay mété lanmen asou tèt yo.