Pagpakatu'an 7:11 - I Baha'o Kasuratan

¹¹ Agpanunggo i dimu'an mga ka'anghelan palibot si truno hasta si mga mahanak si pagtu'o pati' si ampat allom hinimu-na si Diyos. Pa'akkom mga iya atubang si truno ngan agpangampo' si Diyos

Pagpakatu'an 7:11 Referans Kwoze

Pagpakatu'an 4:10

pa'akkom may i baynti kwatro mga mahanak si pagtu'o atubang si magtingkulo' si truno ngan agpangampo' si pirmi allom hasta si kahastahan. Agpa'anna'-na mga iya i mga kuruna-na atubang si truno dungan si pagpinugad,

Pagpakatu'an 4:6

Aniya' liwat mahaya libtong atubang si truno nga day salaming katallang i buwahi'-na. Aniya' ampat mga allom hinimu-na si Diyos nga agpalibot matapit gayod si truno ngan puroy to hamok mata si dahulu'an hasta si damurihan.

Pagpakatu'an 11:16

Katapos agpama'akkom i baynti kwatro mga mahanak si pagtu'o magpaningkulo' si mga trunu-na atubang si Diyos, ngan agpangampo' si Diyos

Pagpakatu'an 4:4

Nagpalibutan liwat i truno si baynti kwatro pa la'in mga truno ngan nagpaningkulu'an to si baynti kwatro may mga mahanak si pagtu'o. Plos puti' i mga badu'-na mga iya ngan aniya' mga kuruna-na bulawan.

Hebro 1:6

Ngan agpinugad liwat sito i Diyos mahi'unong si pagpabawa-na si suhag-na ato si kalibutan, “Kinahanglan ag'ampo' si iya i dimu'an ka'anghelan-ko.”

Juan 5:23

basi' agtahod i dimu'an si Dadi' pariho si pagtahud-na mga iya si Tata'. Bisan say nga ga'i agtahod si Dadi', ga'i may liwat agtahod si Tata' nga magpabawa si iya.

Mateo 4:10

Anaruman may si Jesus, “Pabulaga si ako Satanas! Kay yayto i maka'anna' si Kasuratan: ‘Ampu'in i Paragdalom Diyus-bi, ngan iya hamok i sinirbihan-bi.’”

Pagpakatu'an 22:9

Pero amaribad dayon iya, “Dakaw agdaêinan sinan! Pariho hamok kita rilihugun-na si Kristo hasta i mga kabugtuêan-mo si pagtuêo nga mga paragsumat bawa na i dimuêan magparapantuman si mga allingon nga akaêannaê anan sinan libro. Agêampuêa kam si Diyos!”

Pagpakatu'an 15:4

Paragdalom, say i ga'i magtahap si ka'aw, ngan say i makadiri' pagdayaw si maka'angayan arun-mo? Ka'aw hamok i diyusnon. Pamadugok si ka'aw i dimu'an mga nasyon ngan agpangampo' atubang si ka'aw, kay nagpakatu'an na i matadong mga binuhatan-mo.”

Pagpakatu'an 4:8

Kada adda sito, aniya' annom pakpak-na ngan panno' si mga mata, hasta pa i dilalum-na si mga pakpak-na. Allaw sangom gana' si mga iya huway-huwayay pagpahalling, “Diyusnon, diyusnon, diyusnon i Paragdalom Diyos nga Makagagahom. Diyos iya ngan siray, ina'anto, ngan hasta pa si mga titakka mga panahon.”