Pagpakatu'an 14:18 - I Baha'o Kasuratan

¹⁸ Mangno aniya' pa liwat paluwa' anghel, nga tinapuran magpanginano si api anan si altar ngan aggagasod pagban'o si mag'antan si matarom sanggot, “Bitbiton matarum-moy nan sanggot ngan pangku'on i ubasan si kalibutan kay matahak na i mga buwa'-na.”

Pagpakatu'an 14:18 Referans Kwoze

Pagpakatu'an 16:8

Anunod agpatumpa-na si kapatangan anghel i mangku'-na si allaw ngan akabuwanan dayon gahom i allaw nga akasunog si a'a nga day akatapit si mag'u'ulyab api.

Markos 4:29

Ngan kon matahak na i buwa'-na, sa'asyab-na na kay uras na si pag'ani.”

Pagpakatu'an 8:3

Kahuman sinan, aniya' namay paluwa' anghel nga agburubitbit bulawan insinsaryo ngan anunggo iya matapit si bulawan altar. Nagbuwanan iya malabbat insinso papahalaron sinan altar atubang si truno basi' apahuwang i mga pangadyi'-na si dimu'an a'a nagtagama paghuwang si Diyos.

Pagpakatu'an 16:7

Katapos sabati'an-ko dayon nga day i altar mismo i magsaruman, “Kamatu'uran nan, Paragdalom Diyos nga Makagagahom, ungod gayod pati' matadong i mga paghusgar-mo.”