Pagpakatu'an 11:15 - I Baha'o Kasuratan

¹⁵ Pakapatandu-na si kapitungan anghel si trumpita-na, aniya' dayon kinabati'an makusog mga busis tikang si langit nga agpinugad, “I ginhadi'an si kalibutan tawa'-na na ina'anto ginhadi'an-na si Paragdalom Diyus-ta kam pati' si Tinu'inan-na Mannanalwas, ngan iya na i maghadi' hasta si kahastahan.”

Pagpakatu'an 11:15 Referans Kwoze

Pagpakatu'an 12:10

Mangno, aniya' sabati'an-ko makusog busis ato si langit nga agpinugad, “Agtikang na ina'anto i katalwasan-na, i gahum-na pati' i ginhadi'an-na si Diyus-ta kam, hasta pa i pudir-na pagdalom si Tinu'inan-na Mannanalwas, kay nagtabrog na pan hawod i magparahimu-himo kasal'anan siray si kabugtu'an-ta kam si pagtu'o, nga magparapasumbong si mga iya atubang si Diyus-ta kam allaw sangom.

Pagpakatu'an 10:7

Pero si mga titakkay ro mga allaw kon patandu-na na si kapitungan anghel i trumpita-na, tuman-na na si Diyos i tinago' planu-na nga iya i nagpakatu'an-na andang si mga rilihugun-na nga mga paragsumat.”

Pagpakatu'an 19:1

Kahuman sinan, akabati' namay ako busis si langit nga day ga'i akwinta i kalabbat-na. Agparapanurakaw mga iya, “Darayawon i Diyos! Gana' makatalwas kon ma'in i Diyus-ta kam. Maka'angayan iya ngan gamhanan.

Lukas 1:33

Iya i magdalom si ka'uru'ampuhan-na si Jacob ngan gana' katapusan-na si ginhadi'an-na.”

Pagpakatu'an 16:17

Agpatumpa-na si kapitungan anghel i mangku'-na si ayri ngan aniya' dayon paguwa' makusog busis tikang si truno sallod si templo nga agpinugad, “Tapos na!”

Hebro 1:8

Pero pada'iray si dadi', yayto dina i nagpahalling-na si Diyos, “Ka'aw nga Diyos, i trunu-mo agpabilin hasta si kahastahan, ngan i pagkamatadong i nagpalangngan-mo si ginhadi'an-mo.

Pagpakatu'an 19:6

Mangno akabati' namay ako busis nga day ga'i akwinta i kalabbat-na. Agkapuruparihoy to si hinagashas-na si baha' pati' si hinagunghung-na si dalugdog. Agparapanurakaw mga iya, “Darayawon i Diyos kay iya i Makagagahom Paragdalom Diyus-ta kam nga aghadi' na.

Pagpakatu'an 15:4

Paragdalom, say i ga'i magtahap si ka'aw, ngan say i makadiri' pagdayaw si maka'angayan arun-mo? Ka'aw hamok i diyusnon. Pamadugok si ka'aw i dimu'an mga nasyon ngan agpangampo' atubang si ka'aw, kay nagpakatu'an na i matadong mga binuhatan-mo.”

Lukas 15:10

Sumatan-ta kam nga da'inan sinan i kalipayan-na si mga ginsakupan-na anghel si Diyos tungod si addangan makasasala' nga agbasol huwang si pagbag'o.”

Pagpakatu'an 20:4

Ngan aniya' liwat sakulawan-ko mga truno ngan i magpaningkulo' ari i nagpamuwanan si gahom paghusgar. Sakulawan-ko liwat i mga espiritu-na si mga magpakapugutan tungod si mga pagpanistigus-na parti si Jesus pati' si allingun-na si Diyos. Agkaparariho mga iya dimu'an si ga'i mag'ampo' si makangingirhat hayop o bisan si ribultu-na ngan ga'i mga iya agpanugot nga nagpanmarkahan si arun-na si mga ruwa-na o ma'in ngani' si mga tamburu'-na. Agkabaranhaw mga iya ngan agpanhadi' huwang si Kristo sallod si adda yukot ta'on.

Pagpakatu'an 17:14

Makigirra mga iya kuntra si Nati Karniro, pero i Nati Karniro i magda'og tungod kay iya i Paragdalom si dimu'an mga paragdalom pati' i Hadi' si dimu'an mga hadi' nga aghuwang si iya i mga nagpangagda-na, nga mga pinili'-na ngan tangkod.”

Pagpakatu'an 9:13

Pakapatandu-na si ka'annumangan anghel si trumpita-na, aniya' sapamati'an-ko busis tikang si mga sungay-na si bulawan altar atubang si Diyos.

Pagpakatu'an 9:1

Pakapatandu-na si kalimangan anghel, aniya' sakulawan-ko bitu'on nga ataktak pan kalibutan. Nagpumwan si bitu'on i lyabi pangngabri si Buhon nga gana' salad-na.

Pagpakatu'an 8:12

Pakapatandu-na si kapatangan anghel, aniya' dayon mangigo' si katallo parti si allaw, si katallo parti si bulan bawa na i katallo parti si kada bitu'on. Tungod sinan, anlu'om i katallo mga parti-na sito hasta nga gana' gayod danta' si katallo parti kon allaw pati' si katallo parti si kasangumon.

Mateo 6:13

ngan patuttuton kami' nga ga'i kami' agsala' kon nagtintar kami', ngan patalahon kami' si aniya' mara'at katuyu'an-na.

Lukas 15:6

agbalik. Mangno, ag'agda-na i mga kumpaniya-na pati' i mga katiringpid-na. Agpinugad iya, ‘Agkalipay kita kam kay sa'anda'an-ko na i marungay karniru-ko.’

Mateo 24:31

Papabawahun-na liwat i mga anghel-na dungan si makusog tandu-na si trumpita ngan mga iya i manipon si mga nagpamili'-na a'a tikang si ampat kantu-na si kalibutan, tikang gayod ato pan dambila'.

Mga Buhat 4:26

Agpangandam pagsupak si Paragdalom i mga hadi' si kalibutan, ngan ag'aradda i mga puno' kuntra si nagtu'inan-na pagtalwas.