Mateo 2:2 - I Baha'o Kasuratan

² nga agpamatilaw, “Singnga i dadi' ma'allom nga tihadi' si mga Hebro? Sakulawan kami' i bitu'on magpakatu'an si ka'allum-na nga agsirak ari si sirangan, ngan pada'ito kami' pagbuwan katalahuran si iya.”

Mateo 2:2 Referans Kwoze

Pagpakatu'an 22:16

“Ako si Jesus, i magpabawa si anghel-ko pagpaêintriga si kaêam si nagtistigusan-ko basiê apapasa may si manniniripon pagêampoê si bisan singnga lugara. Ako i Dadiê nga mangusbong tikang si gamut-na si David, ngan ako liwat i madantaê Makabigwas.”

Juan 18:37

“Kon sugad adda kaw hadi'?” lingun-na si Pilato. Anaruman may si Jesus, “Tama' kaw gayod si pagpinugad-mo si ako hadi', kay si kamatu'uran nag'allom ako pagdalom ngan pada'ito ako si kalibutan pagpasayod mahi'unong si kamatu'uran. Ngan bisan say i mag'apilo sito kamatu'uran, agpakali si ako.”

Hebro 1:6

Ngan agpinugad liwat sito i Diyos mahi'unong si pagpabawa-na si suhag-na ato si kalibutan, “Kinahanglan ag'ampo' si iya i dimu'an ka'anghelan-ko.”

Lukas 23:38

Aniya' makasurat ari si takulukan-na nga da'ito sito:

Lukas 23:3

Sanglit agtilaw-na si Pilato si Jesus, “Ka'aw ba' i hadi'-na si mga Hebro?” Anaruman may si Jesus, “Oho', ngan ka'aw i magpaguwa' sinan.”

Juan 5:23

basi' agtahod i dimu'an si Dadi' pariho si pagtahud-na mga iya si Tata'. Bisan say nga ga'i agtahod si Dadi', ga'i may liwat agtahod si Tata' nga magpabawa si iya.

Juan 1:49

Tungod sinan, akahintakan si Nataniel ngan diritso akapinugad, “Rabbi, ka'aw i Dadi'-na si Diyos, ka'aw i Hadi'-na si Israel.”

Lukas 19:38

Malipayon gayod i Hadi' nga pada'ito pina'agi si gahum-na si Paragdalom. Aniya' kamurayaw ari si langit ngan maka'angayan gayod i kina'iya-na si Gilalabawi!

Lukas 2:11

Aniya' addangan Paragsalbar ma'allom ina'anto ato si bungtu-nay to si David para si ka'am dimu'an. Iya i Tinu'inan Mannanalwas, nga Paragdalom.

Juan 9:38

Mangno aminugad i lalla, “Paragdalom, agtutu'o ako,” ngan anluhod iya pag'ampo' si Jesus.

Juan 19:19

Aniya' tigsurat-na si Pilato papadukuton ari si kudos nga da'ito sito:

Juan 12:13

Sanglit agpanabtab mga iya si mga day paklang-na si pinang. Pagawas mga iya si syudad pagtupo' si iya ngan sigi panggasod: Hosanna! Malipayon gayod i a'a nga pada'ito pina'agi si gahum-na si Paragdalom Diyos! Malipayon i Hadi'-na si Israel!

Mateo 27:11

Siray uras, ari na si Jesus ag'atubang si gubirnador ngan agtilaw-na iya, “Ka'aw ba' i hadi'-na si mga Hebro?” Anaruman may si Jesus, “Oho', ngan ka'aw i magpaguwa' sinan.”

Juan 20:28

Anaruman si Tomas, “Paragdalum-ko ngan Diyus-ko!”

Mateo 21:5

“Sumati-bi sito i mga taga Sion, ‘Kulawi-bi, awira' na agdadara'on si ka'am i hadi'-bi. Mapa'inubsanon ngan agkabayo si adda asno, si adda putro, nga nati-na dina si asno.’”

Mateo 2:3

Si pakabati'-na sinan si Hadi' Herodes, aburong iya huwang si mga sakup-na ari si Jerusalem.