Lukas 23:3 - I Baha'o Kasuratan

³ Sanglit agtilaw-na si Pilato si Jesus, “Ka'aw ba' i hadi'-na si mga Hebro?” Anaruman may si Jesus, “Oho', ngan ka'aw i magpaguwa' sinan.”

Lukas 23:3 Referans Kwoze

1 Timoteo 6:13

Agmandu'an-ta kaw atubang si Diyos, kay iya i magbuwan kinabuhi' si bisan say, pati' atubang si Kristo Jesus kay iya i magbusngal si mahalap pinahallingan pag'ako' kon say iya atubang si Pilato.

Juan 1:49

Tungod sinan, akahintakan si Nataniel ngan diritso akapinugad, “Rabbi, ka'aw i Dadi'-na si Diyos, ka'aw i Hadi'-na si Israel.”

Lukas 22:70

Agpamatilaw mga iya dimu'an, “Kon sugad, ka'aw bali' i Dadi'-na si Diyos?” Anaruman si Jesus, “Tama' gayod i pagkapinugad-bi nga ako.”

Markos 15:2

Agtilaw-na si Pilato si Jesus, “Ka'aw ba' i hadi'-na si mga Hebro?” Anaruman may si Jesus, “Oho', ngan ka'aw i magpaguwa' sinan.”

Juan 19:3

Mangno agtikangan-na dayon mga iya pagtahod kuno' si pagburubwilta pagturakaw, “Anlanga pa kunta' i kinabuhi'-na si hadi'-na si mga Hebro!” Ngan sigi-na pa liwat mga iya tampalo.

Lukas 23:38

Aniya' makasurat ari si takulukan-na nga da'ito sito:

Markos 15:32

Kinahanglan pahaw'as i Tinu'inan Mannanalwas ina'anto anan si kudos nan! Kinahanglan pahaw'as i Hadi'-na si Israel basi' agpakakulaw kami' ngan agpanutu'o!” Bisan i mga nagpamapako' tingpid si iya, agparatamay liwat si iya.

Markos 15:18

Agtikangan-na mga iya pagturakaw, “Malanga pa kunta' i kinabuhi'-na si hadi'-na si mga Hebro!”

Mateo 27:11

Siray uras, ari na si Jesus ag'atubang si gubirnador ngan agtilaw-na iya, “Ka'aw ba' i hadi'-na si mga Hebro?” Anaruman may si Jesus, “Oho', ngan ka'aw i magpaguwa' sinan.”

Juan 18:29

Sanglit aggawas-na na hamok mga iya si Pilato ngan amatilaw, “Ay i mga sumbung-bi kuntra sito a'a?”