Hebro 7:17 - I Baha'o Kasuratan

¹⁷ Kay ma'in ba' nan iya i maka'anna' si Kasuratan: Paraghalad kaw hasta si kahastahan, irog si pagkaparaghalad-na si Melquisedec.

Hebro 7:17 Referans Kwoze

Hebro 5:6

Si la'in namay parti si Kasuratan, agpinugad iya, “Paraghalad kaw hasta si kahastahan, irog si pagkaparaghalad-na si Melquisedec.”

Hebro 7:21

pero si Jesus namay aghuwangan-na si Diyos si pagbusngal ngan pagpinugad-na siray si iya: Agsumpa' i Paragdalom ngan ga'i agsalli' i isip-na, “Paraghalad kaw hasta si kahastahan.”

Hebro 7:15

Sanglit bali kaklarado nga kinahanglan gayod nagsalli'an i kada'an pa'agi pagtapit si Diyos tungod kay aniya' na nagpabawa la'in klasi paraghalad nga irog dina si kina'iya-na si Melquisedec,

Hebro 5:10

Pwira pa sinan, iya liwat i nagtu'inan-na si Diyos bilang gilalabawi paraghalad irog si pagkaparaghalad-na siray si Melquisedec.

Hebro 6:20

kon singnga si Jesus nga makadahulo na pagtunggo para si kita kam. Sanglit sa'angkun-na i pagkagilalabawi paraghalad hasta si kahastahan irog si pagkaparaghalad-na si Melquisedec.

Hebro 7:11

Kapa'i di' kay kinahanglan pa nga aniya' la'in klasi paraghalad nagpabawa nga irog dina si pagkaparaghalad-na si Melquisedec imbis irog si Aaron? Kunta' bali kaklarado si ka'am nga ga'i anmatgas i kina'iya para magin diyusnon pina'agi si mga paraghalad Levita kay i nagsibutan-na mga iya kon ay hamok i sakaya-na si bala'od.