Hebro 1:13 - I Baha'o Kasuratan

¹³ Gana' si mga anghel nga nagpinugad-na si Diyos, “Aningkulu'a ato si kawanan-ko, tubtob nga sapama'ubus-ko i mga kuntra-mo pa nga day pannungtungan-mo.”

Hebro 1:13 Referans Kwoze

Markos 12:36

Mismo si David agpahalling sigon si pagdalum-na si Espirito Santo: Agpinugad i Paragdalom Diyos pada'iray si Paragdalum-ko, ‘Aningkulu'a ato si kawanan-ko, tubtob nga sapama'ubus-ko i mga kuntra-mo pa nga day pannungtungan-mo.’

Mateo 22:44

Agpinugad i Paragdalom Diyos pada'iray si Paragdalum-ko, ‘Aningkulu'a ato si kawanan-ko, tubtob nga sapama'ubus-ko i mga kuntra-mo pa nga day pannungtungan-mo.’

Hebro 1:3

Agsirak tikang ato sito dadi' i ka'angayan-na si Diyos, ngan gana' pagkala'inan-na si mga kina'iya-na mga iya. Iya i magmangno si dimu'an basi' akapadayon to pina'agi si gamhanan allingun-na. Pakatuman-na si kinahanglanon para akahugasan i mga sala', aningkulo' iya si kawanan-na si Harangdon ari si langit.

Mga Buhat 7:55

Pero tungod si pagdalum-na si Espirito Santo, akahangad si Esteban pan langit ngan akakulaw si maka'angayan danta'-na si Diyos pati' si Jesus nga agtutunggo si kawanan-na si Diyos.

Lukas 20:42

Mismo si David agpakatu'an ari si Libro si mga Salmo: Agpinugad i Paragdalom Diyos pada'iray si Paragdalum-ko, ‘Aningkulu'a ato si kawanan-ko,

Pagpakatu'an 20:15

Kon aniya' aron nga ga'i akalista si libru-na si mga magpaka'angkon si ungod kinabuhi', nagpanapukan to si danaw nga agpakayat.

Lukas 19:27

Pero bawahu-bi pada'ito i mga magpanguntra si ako siray nga ga'i ag'ako' si pagkahadi'-ko. Matayu-bi mga iya ato atubang si ako.’”