1 Corinto 15:55 - I Baha'o Kasuratan

⁵⁵ Tara' kamatayon, singnga na i pagda'ug-mo? Say pa may i mangabat si lara-mo?

1 Corinto 15:55 Referans Kwoze

Roma 5:14

Tikang pa may si panahun-na si Adan pada'iray si panahun-na si Moises, agdalom na i kamatayon si a'a hasta liwat si mga a'a nga ga'i akasala' pina'agi si pagsupak si mando' pariho si nagbuhat-na si Adan. Ngan parti namay si Adan, iya i aniya' kapuruparihu'an-na si addangan nga titakka.

Mga Buhat 2:27

tungod kay ga'i ako pata'anan-mo si dilalom pitak. Ga'i kaw liwat agtugot nga arunot i bangkay-na si Sagrado Nagtagama-mo.

Mga Buhat 9:5

Amatilaw si Saulo, “Say kaw, Sinyor?” Anaruman may si iya, “Ako si Jesus nga mag'antos tungod si nagparabuhat-mo si mga magpanutu'o si ako.

Lukas 16:23

Nagpasakitan iya ari si dilalom pitak. Akahangad iya ngan si bali tala lugar, sakulawan-na si Abraham nga agtingpid mga iya si Lazaro.

Pagpakatu'an 9:10

Aniya' mga sugud-na si ingko pariho si mga sipit-sipit, ngan nagpamuwanan katungod pagpasakit si mga a'a sallod si lima bulan.

1 Corinto 15:56

Karuyag sidngon, aniya' hamok lara-na si kamatayon, kon ga'i pa apasaylo i sala', ngan aniya' hamok gahum-na si sala', kon nagdaluman pa i a'a si bala'od.