1 Corinto 14:21 - I Baha'o Kasuratan

²¹ Pariho si maka'anna' si Kasuratan: “I mga a'a nga agpahalling si pambihira linggwahi nga day allingun-na si mga dayuhan, mga iya i naggamit-ko si pagpahalling-ko sito mga a'a, pero bisan kon agda'inan ako sinan, ga'i pa gihapon ako agpamati'an-na mga iya,” lingun-na si Paragdalom.

1 Corinto 14:21 Referans Kwoze

Roma 3:19

Iyay nan i maka'anna' si bala'od ngan sayod na kita nga bisan ay i maka'anna' ari, nagpakatu'an to hamok para si mga aniya' ubligasyun-na pagtuman sito, basi' a'ala' i mga pasangilan-na mga iya ngan akahuwang i bug'os kalibutan kon husgaran-nay to si Diyos.

Juan 10:34

Anaruman may si Jesus, “Ma'in ba' aka'anna' si nagtapuran-bi Bala'od nga agpahalling i Diyos sito: ‘Agpinugad ako nga mga diyos kam’?

Mga Buhat 2:4

Pa'ayop i Espirito Santo si mga iya dimu'an ngan agpapahalling-na mga iya kada addangan si la'in linggwahi sigon si abilidad nagpumwan-na si Espirito Santo.

1 Corinto 14:34

Kinahanglan nga i mga danda ga'i agparayawit kon awinan mga iya aghuwang si manniniripon pag'ampo'. Ma'in tugot si mga iya i pagpahalling, kundi' kinahanglan hamok nga masinunuron mga iya kay iyay nan i maka'anna' si Bala'od.